Heddiw (dydd Mercher 22 Gorffennaf) mae Vaughan Gething, y Gweinidog Iechyd, wedi cadarnhau bod cytundeb wedi cael ei daro gyda chwmni Vertex Pharmaceuticals i sicrhau mynediad at y feddyginiaeth Kaftrio® yng Nghymru.
Cyhoeddwyd y cynnwys hwn dan weinyddiaeth Llywodraeth Cymru 2016 i 2021
Bydd y feddyginiaeth ar gael i gleifion cymwys sydd â Ffeibrosis Systig o’r adeg y bydd yn cael ei hawdurdodi ar gyfer ei marchnata yn Ewrop yn nes ymlaen yn yr haf. Mae hyn yn dilyn cytundeb y llynedd a oedd yn golygu bod meddyginiaethau eraill, Vertex, Kalydeco®, Orkambi® a Symkevi®, ar gael i gleifion Ffeibrosis Systig yng Nghymru.
Dywedodd Vaughan Gething, y Gweinidog Iechyd:
Rydw i’n falch o gadarnhau y bydd Kaftrio® ar gael i gleifion cymwys yng Nghymru. Bydd llawer o deuluoedd yn croesawu’r newyddion – rydw i’n siŵr o hynny. Rydw i wedi bod yn gwbl glir y dylai meddyginiaeth newydd ac arloesol fod ar gael yn gyflym i gleifion yng Nghymru, ac y dylai fod cysondeb o safbwynt hyn. Ond dim ond pan fo cost y meddyginiaethau hynny yn adlewyrchiad teg o’u manteision y dylai hyn ddigwydd.
Mae’r cytundeb a gafodd ei daro gyda Vertex yn golygu y gall cleifion ddechrau elwa ar driniaeth therapi triphlyg ar unwaith pan fydd ar gael yn y Deyrnas Unedig o fewn wythnosau.