Sara Pedersen Aelod

Perthnasol: Grŵp Fframwaith Iechyd a Lles Anifeiliaid Cymru,

Rhannu'r dudalen hon

Sara Pedersen

Mae Sara Pedersen yn ymgynghorydd milfeddygol. Caiff ei chydnabod gan Goleg Brenhinol y Milfeddygon fel arbenigwr Iechyd a Chynhyrchu Gwartheg.

Mae'n gweithio'n agos â phob sector o'r diwydiant amaethyddol i wella iechyd a lles gwartheg. 

Graddiodd Sara o'r Coleg Milfeddygol Brenhinol yn 2005 ac mae wedi gweithio yn y sector anifeiliaid fferm ers hynny.

Cyn dychwelyd adref i Dde Cymru yn 2014, treuliodd Sara amser mewn practis fferm mewn sawl ardal wahanol yn y DU. Treuliodd gyfnodau byr hefyd yn gweithio i gwmni fferyllol ac yn gwirfoddoli dramor. 

Mae Sara bellach yn rhedeg Farm Dynamics Ltd. Mae'r ymgynghoriaeth yn darparu hyfforddiant a gwasanaethau cynghori ar bynciau sy'n ymwneud a iechyd a lles gwartheg. Mae'n rhoi ffocws penodol ar gysur gwartheg a chloffni gwartheg.

Mae Sara hefyd yn aelod o'r Grŵp Llywio Symudedd Gwartheg Llaeth a Changen Cymru o Gymdeithas Filfeddygol Prydain (BVA). 

Yn 2023, cafodd Sara ei henwi'n Gynghorydd Da Byw y Flwyddyn Farmers Weekly. 

Mae Sara hefyd yn ymwneud ag addysgu mewn nifer o ysgolion milfeddygol, gan gynnwys Ysgol Gwyddor Filfeddygol Prifysgol Aberystwyth.