Rheoliadau ar gyfer Hysbysiad Dyddiadau Tymhorau Ysgol

Mae Llywodraeth Cymru yn ymwybodol o’r anawsterau y mae nifer o deuluoedd sy’n gweithio’n galed ledled Cymru yn eu hwynebu o ganlyniad i amrywiadau yn nyddiadau tymhorau ysgol ac felly gwyliau’r ysgol.

Er mwyn rhoi sylw i’r mater hwn mae newidiadau deddfwriaethol i’r modd y caiff dyddiadau tymhorau ysgol eu pennu wedi’u cynnwys yn y Bil Addysg (Cymru) a gyflwynodd y Gweinidog Addysg a Sgiliau gerbron Cynulliad Cenedlaethol Cymru ar 1 Gorffennaf 2013. Mae’r Cynulliad wrthi’n craffu ar y “Bil” ar hyn o bryd ac yn amodol ar basio a derbyn Cydsyniad Brenhinol.

Mae’r newidiadau arfaethedig yn golygu y bydd yn rhaid i awdurdodau lleol hysbysu Gweinidogion Cymru am ddyddiadau tymhorau sydd wedi’u pennu ar gyfer pob ysgol a gynhelir yn eu hardaloedd nhw a bydd gan Weinidogion Cymru bŵer i wneud rheoliadau i’w galluogi i ddarparu ar gyfer sut bydd awdurdodau lleol yn rhoi gwybod iddynt am y dyddiadau hynny ac erbyn pryd.