Rhenti yn y sector preifat: 2018

Mae’r adroddiad yn cyflwyno cyfartaledd (cymedr), canolrif, chwartel isaf, a chwartel uchaf rhent misol a delir yng Nghymru fesul nifer yr ystafelloedd gwely. Cyflwynir y wybodaeth ar gyfer Cymru ac ar lefel awdurdod lleol.  Casglwyd y data a ddefnyddir yn yr adroddiad yn y 12 mis hyd at ddiwedd mis Rhagfyr 2018. 

Mae’r wybodaeth yn y adroddiad wedi’i seilio ar wybodaeth a roddwyd i ni gan landlordiaid preifat ac asiantaethau gosod unigol. Nid yw’r rhent ar gyfer eiddo mewn achosion lle gwyddom fod budd-dal tai yn cael ei dalu wedi eu cynnwys.

Mae’r ystadegau yn y adroddiad wedi’u seilio ar ddata heb eu haddasu i fod yn gynrychioladol o’r farchnad rhentu eiddo preifat yng Nghymru. Yn sgil amrywiadau yng nghyfansoddiad y sampl, nid oes modd cymharu’r cyfartaledd syml o ardal i ardal neu dros gyfnod o amser.

Prif bwyntiau

• Dros y deuddeg mis rhwng 1 Ionawr a 31 Rhagfyr 2018 y canolrif pris rhentu preifat isaf ar gyfer eiddo ar draws Cymru oedd £325 y mis am fflat un ystafell neu ystafell sengl heb fod yn annibynnol. Y canolrif pris rhentu  preifat uchaf oedd £750 y mis am eiddo mwy, pedair ystafell wely gan gynnwys tai, byngalos a fflatiau.
• Yn ystod 2018, roedd y rhan fwyaf o renti a gofnodwyd ar gyfer eiddo 2 a 3 ystafell wely, a chanolrif y rhent yn £511 a £550.
• Ar lefel awdurdod lleol, y canolrif rhent isaf a gofnodwyd yn 2018 oedd £260 y mis am ystafell sengl heb fod yn annibynnol yn Rhondda Cynon Taf a’r canolrif rhent uchaf oedd £1200 y mis am eiddo mawr pedair ystafell wely yng Nghaerdydd.