Rhaglen Gwella Gwyliau'r Haf: dadansoddiad o sut mae’r rhaglen yn alinio â pholisïau

Mae’r adroddiad yn archwilio sut mae Rhaglen Gwella Gwyliau’r Haf yn alinio â rhaglenni gwyliau’r haf a ariennir gan Lywodraeth Cymru perthnasol a pholisïau perthnasol Llywodraeth Cymru ar hyn o bryd a sut gallai alinio yn y dyfodol. 

Amlinellir hanes Rhaglen Gwella Gwyliau’r Haf, ac archwilir effaith pwysau presennol costau byw ar lwgu yn ystod y gwyliau.

Mae’r adroddiad yn nodi’r tebygrwydd a’r gwahaniaethau rhwng Rhaglen Gwella Gwyliau’r Haf a rhaglenni eraill.

Mae’r rhaglenni hyn yn cael eu cymharu o safbwynt elfennau sy’n cynnwys cymhwystra, lefel y cynnwys rhagnodedig a chysondeb cenedlaethol.

Mae rhwystrau a materion sy’n wynebu’r rhaglenni hyn hefyd yn cael eu harchwilio, yn ogystal ag effeithiau posibl diwygiadau polisi arfaethedig eraill arnynt. 

Mae’r adroddiad yn cynnig argymhellion ar gyfer goresgyn rhwystrau, ar gyfer lleihau’r risg o ddyblygu darpariaeth ac ar gyfer archwilio modelau y tu allan i Gymru.