Rhaglen Gallu Rheoli Contract Swyddogaeth Fasnachol: Hysbysiad preifatrwydd

Mae Llywodraeth Cymru yn cefnogi sawl rhaglen ar gyfer datblygu gallu a chapasiti caffael ehangach sy'n cynnwys darparu cyfleoedd dysgu a datblygu proffesiynol drwy Raglen Gallu Rheoli Contract Swyddogaeth Fasnachol y Llywodraeth. Bydd Llywodraeth Cymru yn cadw data personol i gynorthwyo gyda'r gwaith o ddatblygu, cydlynu a hyrwyddo rhaglenni.

Llywodraeth Cymru a’r GCO yw'r rheolwyr data a'r prosesydd data ar gyfer yr holl ddata a gesglir gan y tîm. Mae rheolwr data yn penderfynu sut a pham y gellir prosesu data personol.

Diffinnir data personol o dan y Rheoliad Cyffredinol ar Ddiogelu Data (GDPR) fel:

'unrhyw wybodaeth sy'n ymwneud â pherson y gellir ei adnabod yn uniongyrchol neu'n anuniongyrchol drwy gyfeirio at rywbeth fyddai’n ei adnabod.'

Mae Llywodraeth Cymru yn gweithio gyda'r Swyddogaeth Fasnachol y Llywodraeth i ddarparu Gallu Rheoli Contract ar gyfer sector cyhoeddus Cymru. Bydd Llywodraeth Cymru yn ariannu nifer penodol o leoedd i fyfyrwyr astudio rhaglenni i sicrhau cysondeb ar draws y sector a gosod meincnodau gallu clir ar gyfer unigolion.

Pan fydd myfyriwr yn cyflwyno Datganiad o Ddiddordeb ac yn arwyddo Cytundeb y Dysgwyr, bydd Llywodraeth Cymru yn casglu eich data personol chi a data personol eich rheolwr llinell. Mae hyn yn cynnwys:

• Enw
• Cyfeiriad e-bost
• Sefydliad
• Manylion cyflogaeth
• Unrhyw ddata personol arall a ddarperir inni fel rhan o'ch cais neu gyfranogiad yn y rhaglen gan gynnwys canlyniadau arholiadau.

Bydd Llywodraeth Cymru yn cadw eich data personol i ddatblygu, cydlynu, hyrwyddo a chyflwyno y rhaglenni Rheoli Contract. Ymhlith y gweithgareddau penodol sydd angen defnyddio eich data mae:

• Ymateb i ymholiadau
• Helpu'r broses o ddewis myfyrwyr
• Cynnwys myfyrwyr ar raglenni
• Gwaith gweinyddol o ddydd i ddydd
• Monitro cynnydd y rhaglen er mwyn sicrhau cydymffurfiaeth â'r Cytundeb Dysgu
• Casglu adborth am raglenni a chofnodi canlyniadau.
• Monitro cyllid, gwaith gweinyddol, a darparu rhaglenni
• Monitro pwy sy'n gohirio ei aelodaeth i raglenni neu sy'n ei thynnu yn ôl

Bydd gan Lywodraeth Cymru fynediad at ganlyniadau myfyrwyr. Bydd y data hyn yn cael eu defnyddio i adrodd i uwch dimau rheoli. Lle bo hynny'n bosibl, bydd Llywodraeth Cymru yn dileu eich gwybodaeth bersonol wrth adrodd i gynulleidfaoedd ehangach.

Bydd Llywodraeth Cymru hefyd yn casglu adborth ar y rhaglen Gallu Rheoli Contract i gynorthwyo gydag adrodd y manteision sy’n gysylltiedig â rhoi’r rhaglen ar waith.

O dan Erthygl 6 o Reoliadau Cyffredinol ar Ddiogelu Data y Deyrnas Unedig, y sail gyfreithlon ar gyfer prosesu gwybodaeth yw Buddiant Dilys. Hynny yw drwy brosesu eich data personol, bydd Llywodraeth Cymru yn gallu eich helpu i ddatblygu, cydlynu, hyrwyddo a chyflwyno rhaglen Gallu Rheoli Contract. Bydd mwy o allu ar draws Sector Cyhoeddus Cymru yn sicrhau y bydd yr arfer gorau yn cael ei rannu ar draws timau caffael gan ganiatáu gwell gwerth am arian mewn gwariant caffael.

Bydd gwybodaeth bersonol adnabyddadwy a rennir yn cael ei chadw gan Dîm Galluogrwydd Caffael Masnachol Llywodraeth Cymru a chaiff aelodau staff yn yr adran hon fynediad ati i rannu cyfathrebiadau am ein gwasanaethau yn unig. Caiff unrhyw wybodaeth a ddarperir ei storio mewn ardal warchodedig o iShare (system rheoli dogfennau fewnol Llywodraeth Cymru).

Bydd Llywodraeth Cymru yn rhannu eich gwybodaeth gyda GCO i sicrhau bod y rhaglen a ddarperir yn diwallu anghenion y Cytundeb Dysgwyr. Mae gan GCO yr hawl i gadw eich data, ac mae eu Hysbysiad Preifatrwydd ar gael trwy ddilyn y dolenni isod:

Privacy policy for the Government Commercial College ar GOV.UK

Personal information charter ar GOV.UK

Byddwn yn cadw unrhyw wybodaeth bersonol adnabyddadwy am hyd at 5 mlynedd. Ar ôl cyfnod o 5 mlynedd bydd y data a gedwir ar ffeil yn cael eu hadolygu. Os nad yw'r data'n cael eu defnyddio mwyach, cânt eu dileu o'n cofnodion.

Gellir rhoi myfyrwyr nad ydynt yn llwyddo i gael cyllid ar gyfer cwblhau yr hyfforddiant rheoli contract  ar restr aros. O ystyried yr amgylchiadau hyn, bydd Llywodraeth Cymru yn cadw data personol hyd nes y bydd eich lleoliad wedi'i gwblhau.

O dan y GDPR, mae gennych yr hawliau canlynol mewn perthynas â'r wybodaeth bersonol a ddarperir gennych drwy unrhyw un o'r ymchwil a gynhaliwyd drwy'r Rhaglen Ymchwil i Weithwyr, ac yn benodol mae gennych yr hawl i wneud y canlynol:

• Cael copi o’ch data eich hun
• Inni gywiro gwallau yn y data hynny
• I wrthwynebu neu gyfyngu ar y gwaith o brosesu'r data (mewn rhai amgylchiadau)
• I’ch data gael eu ‘dileu’ (mewn rhai amgylchiadau), ac
• I wneud cwyn i Swyddfa'r Comisiynydd Gwybodaeth sef ein rheoleiddiwr annibynnol ar gyfer diogelu data

Os oes gennych unrhyw gwestiynau pellach ynghylch sut y bydd y data a ddarperir fel rhan o'r gwaith hwn yn cael eu defnyddio gan Lywodraeth Cymru neu os ydych am arfer eich hawliau gan ddefnyddio'r Rheoliadau Cyffredinol ar Ddiogelu Data, cysylltwch â ni:

Gellir cysylltu â Swyddog Diogelu Data Llywodraeth Cymru yn: