Rebecca Evans AS Ysgrifennydd y Cabinet dros yr Economi, Ynni a Chynllunio

• Cymorth a chyngor i helpu busnesau i sefydlu, tyfu neu ddatblygu (gan gynnwys cymorth allforio a mewnfuddsoddi)
• Polisi Masnach Ryngwladol, gan gynnwys cydlynu materion yn ymwneud â Masnach rhwng y DU a’r UE
• Digwyddiadau mawr
• Tata
• Entrepreneuriaeth, menter a gwybodaeth fusnes
• Goruchwyliaeth hyd braich o Faes Awyr Caerdydd
• Polisi hedfanaeth
• Polisi ynni gan gynnwys cynhyrchu ynni ar raddfa fach a chanolig, ynni domestig, effeithlonrwydd ynni
• Ynni Adnewyddadwy
• Ynni Niwclear
• Banc Datblygu Cymru
• Banc Cymunedol
• Hyrwyddo Cymru fel lleoliad i wneud Busnes ac i Fuddsoddi ynddo
• Polisi porthladdoedd, gan gynnwys porthladdoedd rhydd
• Bargeinion Dinesig a Bargeinion Twf
• Caffael, rheoli a gwaredu asedau eiddo dan berchnogaeth Llywodraeth Cymru sy'n ymwneud â datblygu economaidd
• Busnes Cymru
• Fframwaith Rheoleiddio ar gyfer arferion busnes cyfrifol, twf a chystadleurwydd
• Yr Economi Sylfaenol
• Menter Gymdeithasol a'r economi gymdeithasol
• Economi gydweithredol
• Gwyddoniaeth: datblygu polisi gwyddoniaeth, gan gynnwys cyswllt â Phrif Gynghorydd Gwyddonol Cymru
• Gwyddorau Bywyd
• Ymchwil ac Arloesi, gan gynnwys ymchwil a datblygu, trosglwyddo gwybodaeth a masnacheiddio; manteisio i’r eithaf ar incwm ymchwil ac arloesi, a Chanolfannau Rhagoriaeth Ymchwil
• Seilwaith cysylltedd digidol, gan gynnwys Cydgasglu Band Eang y Sector Cyhoeddus, band eang cyflym a'r rhwydwaith symudol
• Polisi a Strategaeth Digidol a Data ar draws y Llywodraeth
• Cronfeydd Strwythurol yr UE / Buddsoddi Rhanbarthol yn y Dyfodol
• Goruchwylio a gweithredu'r Deddfau Cynllunio a phob agwedd ar bolisi cynllunio a phenderfynu ar geisiadau cynllunio a elwir i mewn ac apeliadau
• Lles cynllunio – y Cytundebau Adran 106 sydd yn Neddf Cynllunio Gwlad a Thref 1990
• Datblygiadau o Arwyddocâd Cenedlaethol: penderfynu ar geisiadau cynllunio a chydsyniadau cysylltiedig
• Rheoliadau adeiladu
• Cymru’r Dyfodol: y cynllun cenedlaethol 2040
• Y Comisiwn Seilwaith Cenedlaethol
• Manwerthu
• Twristiaeth
• Y Sector Lletygarwch

Cafodd Rebecca Evans ei hethol i’r Cynulliad Cenedlaethol am y tro cyntaf ym mis Mai 2011, i gynrychioli rhanbarth Canolbarth a Gorllewin Cymru. Yn 2016, daeth yn Aelod Cynulliad dros etholaeth Gŵyr.

Cafodd Rebecca radd mewn Hanes o Brifysgol Leeds, a gradd MPhil mewn Astudiaethau Hanesyddol o Goleg Sidney Sussex, Prifysgol Caergrawnt. Cyn cael ei hethol, roedd Rebecca yn gweithio yn y trydydd sector.

Ym mis Mehefin 2014, penodwyd Rebecca yn Ddirprwy Weinidog Ffermio a Bwyd, ac ym mis Mai 2016 daeth yn Weinidog Gwasanaethau Cymdeithasol ac Iechyd y Cyhoedd. Ym mis Tachwedd 2017, fe'i penodwyd yn Weinidog Tai ac Adfywio, ac ym mis Rhagfyr 2018 ymunodd â'r Cabinet fel y Gweinidog Cyllid a’r Trefnydd. Ar 13 Mai 2021, cafodd Rebecca ei phenodi'n Weinidog Cyllid a Llywodraeth Leol. Ar 21 Mawrth 2024, penodwyd Rebecca yn Ysgrifennydd y Cabinet dros Gyllid, y Cyfansoddiad a Swyddfa'r Cabinet.

Penodwyd Rebecca yn Ysgrifennydd y Cabinet dros yr Economi, Ynni a Chynllunio ar 11 Medi 2024.