Pobl ifanc heb fod mewn addysg, cyflogaeth neu hyfforddiant (NEET): Gorffennaf 2019 i Fehefin 2020

Pobl ifanc rhwng 16 i 18 oed

• Yn gyffredinol, roedd cyfran y bobl ifanc 16 i 18 oed sy’n NEET wedi bod yn gostwng yn raddol rhwng 2011 a 2017, ond gwelwyd ychydig o gynnydd yn y ddwy flynedd ddiwethaf. Mae maint y cynnydd hwn yn amrywio yn dibynnu ar y ffynhonnell a ddefnyddiwyd.
• Ar sail y datganiad ystadegol cyntaf (SFR), ar ddiwedd 2019 roedd 11.1% o bobl ifanc 16 i 18 oed yn NEET (11,200) o gymharu â 10.6% (10,800) ar ddiwedd 2018.
• Ar sail yr arolwg poblogaeth blynyddol, am y flwyddyn yn gorffen Ch2 2020, amcangyfrifwyd bod 8.2% o bobl ifanc 16 i 18 oed yn NEET, o gymharu â 8.4% ar ddiwedd y flwyddyn a ddaeth i ben yn Ch2 2019.

Pobl ifanc rhwng 19 i 24 oed

• Ar sail y Datganiad Ystadegol Cyntaf (SFR), ar ddiwedd 2019 roedd 15.7% o bobl ifanc 19 i 24 oed yn NEET (37,400) gostyngiad o gymharu ag 16.0% (38,500) yn 2018.
• Ar ddechrau dirwasgiad 2008 gwelodd cyfran y bobl ifanc 19 i 24 oed a oedd yn NEET gynnydd mawr o 17.4% yn 2008 i tua 22% - 23% o 2009 i 2012, gan ostwng ym mhob blwyddyn ddilynol hyd at 2017. Roedd y gostyngiad hwn yn deillio o gynnydd yng ngweithgarwch y farchnad lafur, gyda chyfranogiad mewn addysg a hyfforddiant yn aros yn gymharol sefydlog.
• Ar sail yr Arolwg Poblogaeth Blynyddol, am y flwyddyn a ddaeth i ben yn Ch2 2020, amcangyfrifwyd bod 15.9% o bobl ifanc 19 i 24 oed yn NEET, o gymharu ag 15.0% ar gyfer y flwyddyn a ddaeth i ben yn Ch2 2019.

Ffynonellau ystadegol

• Datganiad Ystadegol Cyntaf ‘Cyfranogiad pobl ifanc mewn addysg a'r farchnad lafur’ yn defnyddio ffynonellau data addysg a’r Arolwg Blynyddol o’r Boblogaeth.
• Arolwg Blynyddol o’r Boblogaeth (Y Swyddfa Ystadegau Gwladol).

Nodyn

Dylid nodi mai amcangyfrifon yw pob ffynhonnell. Mae ein canllaw ar ddeall y ffynonellau gwahanol o ystadegau ar bobl ifanc nad ydynt mewn addysg, cyflogaeth na hyfforddiant (NEET) yng Nghymru’n darparu rhagor o wybodaeth.