Perfformiad awdurodau tân ac achub: Ebrill 2023 i Fawrth 2024
Gwybodaeth am danau a fynychwyd, marwolaethau o ganlyniad i danau, galwadau ffug, digwyddiad gwasanaethau arbennig a thanau mewn anheddau o fewn rheolaeth ar gyfer Ebrill 2023 i Fawrth 2024.
Efallai na fydd y ffeil hon yn gyfan gwbl hygyrch.
Ar y dudalen hon
Cyflwyniad
Mae’r ystadegau hyn yn ymwneud â’r gwasanaeth tân ac achub rhwng mis Ebrill 2023 a diwedd mis Mawrth 2024.
Adroddiad blynyddol yn cyflwyno gwybodaeth am danau a fynychwyd, anafiadau o ganlyniad i danau, galwadau ffug, digwyddiadau gwasanaethau arbennig a thanau mewn anheddau o fewn rheolaeth.
Yn 2007, cyflwynwyd Fframwaith Rheoli Perfformiad Llywodraeth Cymru ar gyfer mesur perfformiad Awdurdodau Tân ac Achub. Mae'r data, gan gynnwys ar lefel y Gwasanaethau Tân ac Achub, yn cael eu cyhoeddi ar StatsCymru yn nhabl dangosyddion perfformiad y gwasanaethau tân.
Mae Awdurdodau Tân ac Achub yn cyhoeddi eu data perfformiad ar eu gwefannau eu hunain, sydd ar gael yn y dolenni isod:
Awdurdod Tân ac Achub Gogledd Cymru
Awdurdod Tân ac Achub Canolbarth a Gorllewin Cymru
Awdurdod Tân ac Achub De Cymru
Mae rhagor o wybodaeth am gasglu data ac ansawdd ar gael yn ein hadroddiad ansawdd ar ystadegau tân.
Mae'r dangosyddion perfformiad wedi'u grwpio o dan ddwy thema: 'lleihau risg a diogelwch cymunedol' ac 'ymateb effeithiol'.
Lleihau risg a diogelwch cymunedol
Dangosydd cyntaf (FRS/RRC/S/001)
- Y tanau yr aethpwyd iddynt am bob 10,000 o'r boblogaeth.
- Y galwadau ffug yr aethpwyd iddynt am bob 10,000 o'r boblogaeth.
- Y gwrthdrawiadau traffig ffyrdd yr aethpwyd iddynt am bob 10,000 o'r boblogaeth.
- Y digwyddiadau eraill yr aethpwyd iddynt am bob 10,000 o'r boblogaeth.
Ail ddangosydd (FRS/RRC/S/002)
Cyfanswm nifer:
- y marwolaethau a'r anafiadau a ddeilliodd o danau am bob 100,000 o'r boblogaeth
- y marwolaethau a'r anafiadau a ddeilliodd o danau damweiniol am bob 100,000 o'r boblogaeth
Ymateb effeithiol
Trydydd dangosydd (FRS/EFR/S/003)
Canran y tanau mewn anheddau a gyfyngwyd i'r ystafell lle cychwynnodd y tanau.
Y prif ganlyniadau ar gyfer 2023-24
- Bod Awdurdodau Tân ac Achub yng Nghymru wedi mynychu 9,700 o danau, sy’n cyfateb i 31 o danau fesul 10,000 o’r boblogaeth. Mae hyn yn ostyngiad o 12% o gymharu â 2022-23. Ers i gyfrifoldeb am wasanaethau tân ac achub gael ei ddatganoli i Gymru yn 2004-05, mae’r nifer a’r gyfradd wedi mwy na haneru.
- Roedd yna 18,298 o alwadau ffug a fynychwyd yn 2023-24, sy'n cyfateb i 58 fesul 10,000 o'r boblogaeth ac yn gynnydd o 10% o gymharu â 2022-23.
- Aeth yr Awdurdodau Tân ac Achub yng Nghymru i 1,907 o wrthdrawiadau traffig ffyrdd yn 2023-24, sef 6 am bob 10,000 o'r boblogaeth a chynnydd o 3% o'i gymharu â 2022-23.
- Aeth yr Awdurdodau Tân ac Achub yng Nghymru i 8,149 o Ddigwyddiadau Gwasanaeth Arbennig nad oeddent yn wrthdrawiadau traffig ffyrdd yn 2023-24, sef 26 am bob 10,000 o'r boblogaeth a chynnydd o 3% o'i gymharu â 2022-23.
- Roedd 119 o farwolaethau ac anafiadau o ganlyniad i danau yng Nghymru (4 i bob 100,000 o'r boblogaeth). Mae hyn yn ostyngiad o 11% yn nifer y rhai a anafwyd o gymharu â 2022-23.
- Roedd 100 o farwolaethau ac anafiadau oherwydd tanau yng Nghymru (3 am bob 100,000 o'r boblogaeth). Mae hyn yn ostyngiad o 12% yn nifer y bobl a anafwyd o'i gymharu â 2022-23. Y bobl hyn a anafir yw'r rhai sy'n cael eu hanfon i'r ysbyty ac nid ydynt yn cynnwys y rhai sy'n cael cymorth cyntaf neu sy'n cael eu hanfon am wiriadau rhagofalus.
- Roedd 85% o danau mewn anheddau yng Nghymru wedi'u dal yn yr ystafell lle dechreuodd y tân.
