Gwariant sydd wedi'i gyllidebu ar gyfer darpariaeth Anghenion Addysgol Arbennig: Ebrill 2018 i Mawrth 2019

Prif bwyntiau

• Mae cyfanswm y gwariant ar ddarpariaeth Anghenion Addysgol Arbennig (AAA) wedi'i gyllidebu i fod yn £381 miliwn, cynnydd o £8.8 miliwn neu 2.4% o gymharu â'r flwyddyn flaenorol.
• Mae'r gwariant dirprwyedig i ysgolion arbennig yn cynrychioli 27% o gyfanswm y gwariant AAA sydd wedi’i gyllidebu. Mae dyraniadau tybiannol o fewn ysgolion meithrin, cynradd ac uwchradd yn cynrychioli 46% pellach o’r cyfanswm. Arian y mae awdurdodau lleol yn ei gadw'n ganolog yw'r 27% sy'n weddill.
• Sir Ddinbych sy'n dirprwyo'r gyfran fwyaf o’i chyllidebau AAA i ysgolion, sef 90%, a Chaerffili sy'n dirprwyo'r gyfran leiaf, sef 56%.
• Cyfanswm y gwariant AAA sydd wedi’i gyllidebu ar gyfer pob disgybl yng Nghymru yw £844. Mae’n cynnwys £617 o wariant dirprwyedig y disgybl a £227 y disgybl o wariant heb ei ddirprwyo.
• O ran gwariant AAA sydd wedi’i gyllidebu ar gyfer pob disgybl, Blaenau Gwent sydd â’r mwyaf, £1,107 y disgybl, a Rhondda Cynon Taf â’r lleiaf, £639 y disgybl.