Jeff Cuthbert, Y Gweinidog Cymunedau a Threchu Tlodi
Cyhoeddwyd y cynnwys hwn dan weinyddiaeth Llywodraeth Cymru 2011 i 2016
Yn gynharach eleni, rhoddais wybod i’r Aelodau fy mod yn bwriadu comisiynu adolygiad annibynnol o swyddogaeth a chyfrifoldebau Comisiynydd Plant Cymru. Mae’r Comisiynydd presennol, Keith Towler ei hunan wedi gofyn am adolygiad o’r fath ac mae ef a’i dîm wedi cynnig helpu gyda’r broses ymarferol.
Wrth gomisiynu’r adolygiad hwn, roeddwn yn awyddus i sicrhau bod gennym Gomisiynydd Plant â rôl bendant a chlir a fyddai’n gweithio mor effeithiol ag y bo modd er lles plant a phobl ifanc Cymru. Ystyrir eisoes bod Cymru ar flaen y gad o ran cyflawni Confensiwn y Cenhedloedd Unedig ar Hawliau’r Plentyn ac roeddwn am gryfhau’r enw da hwn ymhellach.
Mae Prif Weinidog Cymru wedi datgan y cynhelir adolygiadau o swyddogaethau Comisiynwyr eraill Cymru maes o law hefyd.
Heddiw, byddaf yn cyhoeddi bod y Dr Mike Shooter CBE wedi’i benodi i arwain yr adolygiad hwn. Mae Dr Shooter yn gyn ymgynghorydd seicitatreg plant a phobl ifanc ac mae wedi gweithio mewn swyddi uchel eu proffil gydag elusennau a sefydliadau megis Plant yng Nghymru, y Samariaid a Biwro Cenedlaethol y Plant. Mae’n meddu ar brofiad eang a gwerthfawr iawn mewn nifer o feysydd diddordeb.
Wrth benodi Dr Shooter, rwyf hefyd yn cyhoeddi ei lythyr cylch gorchwyl. Pwrpas y llythyr hwn yw nodi’r meysydd cyffredinol yr hoffwn iddo edrych arnynt ac amlinellu’r fframwaith ar gyfer gwneud hynny. Y pedwar prif faes yw:
Rwy’n gwybod y bydd Dr Shooter yn cyhoeddi cais am dystiolaeth cyn bo hir a byddwn yn eich annog chi I gymryd rhan yn y brses bwysig hon. Rwy’n edrych ymlaen at dderbyn yr adroddiad terfynol ac at ystyried yr argymhellion gan Dr Shooter unwaith y bydd y gwaith hwn wedi’i gwblhau ym mis Rhagfyr.
Wrth gomisiynu’r adolygiad hwn, roeddwn yn awyddus i sicrhau bod gennym Gomisiynydd Plant â rôl bendant a chlir a fyddai’n gweithio mor effeithiol ag y bo modd er lles plant a phobl ifanc Cymru. Ystyrir eisoes bod Cymru ar flaen y gad o ran cyflawni Confensiwn y Cenhedloedd Unedig ar Hawliau’r Plentyn ac roeddwn am gryfhau’r enw da hwn ymhellach.
Mae Prif Weinidog Cymru wedi datgan y cynhelir adolygiadau o swyddogaethau Comisiynwyr eraill Cymru maes o law hefyd.
Heddiw, byddaf yn cyhoeddi bod y Dr Mike Shooter CBE wedi’i benodi i arwain yr adolygiad hwn. Mae Dr Shooter yn gyn ymgynghorydd seicitatreg plant a phobl ifanc ac mae wedi gweithio mewn swyddi uchel eu proffil gydag elusennau a sefydliadau megis Plant yng Nghymru, y Samariaid a Biwro Cenedlaethol y Plant. Mae’n meddu ar brofiad eang a gwerthfawr iawn mewn nifer o feysydd diddordeb.
Wrth benodi Dr Shooter, rwyf hefyd yn cyhoeddi ei lythyr cylch gorchwyl. Pwrpas y llythyr hwn yw nodi’r meysydd cyffredinol yr hoffwn iddo edrych arnynt ac amlinellu’r fframwaith ar gyfer gwneud hynny. Y pedwar prif faes yw:
- Swyddogaeth a chyfrifoldebau Comisiynydd Plant Cymru;
- Effaith y swyddogaeth;
- Adolygu’r ddeddfwriaeth;
- Llywodraethu ac atebolrwydd.
Rwy’n gwybod y bydd Dr Shooter yn cyhoeddi cais am dystiolaeth cyn bo hir a byddwn yn eich annog chi I gymryd rhan yn y brses bwysig hon. Rwy’n edrych ymlaen at dderbyn yr adroddiad terfynol ac at ystyried yr argymhellion gan Dr Shooter unwaith y bydd y gwaith hwn wedi’i gwblhau ym mis Rhagfyr.