Cyfarfod y Cabinet: 18 Tachwedd 2024

• Y Gwir Anrhydeddus Eluned Morgan AS (Cadeirydd)
• Huw Irranca-Davies AS
• Jayne Bryant AS
• Mark Drakeford AS
• Rebecca Evans AS
• Jane Hutt AS
• Julie James AS
• Jeremy Miles AS
• Lynne Neagle AS
• Ken Skates AS
   
• Dawn Bowden AS
• Sarah Murphy AS
• Vikki Howells AS
• Jack Sargeant AS

Swyddogion

• Andrew Goodall, yr Ysgrifennydd Parhaol
• Rachel Garside-Jones, Cyfarwyddwr Pontio, Swyddfa'r Prif Weinidog
• Matthew Hall, Pennaeth Is-adran y Cabinet
• Victoria Jones, Prif Ysgrifennydd Preifat y Prif Weinidog
• Toby Mason, Pennaeth Cyfathrebu Strategol
• Catrin Sully, Pennaeth Swyddfa'r Cabinet
• Kevin Brennan, Cynghorydd Arbennig
• Sarah Dickins, Cynghorydd Arbennig
• Madeleine Brindley, Cynghorydd Arbennig
• Haf Davies, Cynghorydd Arbennig
• Victoria Solomon, Cynghorydd Arbennig
• David Hooson, Cynghorydd Arbennig
• Kirsty Keenan, Cynghorydd Arbennig
• Owen John, Cynghorydd Arbennig
• Philippa Marsden, Cynghorydd Arbennig
• Martha O'Neil, Cynghorydd Arbennig
• Maddie Rees, Cynghorydd Arbennig
• Victoria Solomon, Cynghorydd Arbennig
• Mary Wimbury, Cynghorydd Arbennig
• Christopher W Morgan, Pennaeth Ysgrifenyddiaeth y Cabinet (cofnodion)
• Damian Roche, Ysgrifenyddiaeth y Cabinet
• Helena Bird, Swyddfa’r Ysgrifennydd Parhaol
• Kath Hallett, Swyddfa’r Prif Weinidog
• Tracey Burke, Cyfarwyddwr Cyffredinol, Newid Hinsawdd a Materion Gwledig
• Sioned Evans, Cyfarwyddwr Cyffredinol, Addysg, Diwylliant a'r Gymraeg
• Tim Moss, Prif Swyddog Gweithredu
• Judith Paget, Cyfarwyddwr Cyffredinol, Iechyd a Gwasanaethau Cymdeithasol
• Andrew Slade, Cyfarwyddwr Cyffredinol, yr Economi, Ynni a Thrafnidiaeth
• Nia James, Cyfarwyddwr Gwasanaethau Cyfreithiol
• Andrew Jeffreys, Cyfarwyddwr y Trysorlys (eitem 4)
• Dean Medcraft, Cyfarwyddwr Cyllid (eitem 4)
• Emma Watkins, Dirprwy Gyfarwyddwr y Gyllideb a Busnes y Llywodraeth (eitem 4)

1.1 Cymeradwyodd y Cabinet gofnodion 4 Tachwedd.

Cyfarfod â Phrif Weinidog y DU

2.1 Soniodd y Prif Weinidog am ei chyfarfod diweddar gyda Phrif Weinidog y DU, lle, ymhlith materion eraill, y buont yn trafod HS2 ac Ystad y Goron.

Ymchwiliad COVID-19

2.2 Dywedodd y Prif Weinidog wrth y Cabinet y byddai'n rhoi tystiolaeth i Fodiwl 3 Ymchwiliad COVID-19 y DU ddydd Mercher yr wythnos honno.

Cynllun Dychwelyd Ernes i Gymru

2.3 Gwahoddodd y Prif Weinidog y Dirprwy Brif Weinidog ac Ysgrifennydd y Cabinet dros Newid Hinsawdd a Materion Gwledig i roi'r ddiweddaraf am y Cynllun Dychwelyd Ernes.

2.4 Dywedodd y Dirprwy Brif Weinidog wrth y Cabinet ei fod wedi cyhoeddi Datganiad Ysgrifenedig yn gynharach y prynhawn hwnnw i roi gwybod i'r Aelodau bod y Llywodraeth yn tynnu'n ôl o gynllun dychwelyd ernes y DU gyfan ar gyfer poteli a chaniau.

2.5 Roedd Llywodraeth y DU a'r Llywodraethau Datganoledig wedi bod yn gweithio mewn partneriaeth i gychwyn proses ar y cyd i benodi'r Sefydliad Rheoli Ernes ar gyfer y cynlluniau perthnasol. Fodd bynnag, yn yr amser a oedd ar gael, ni fu'n bosibl mynd i'r afael â'r materion sy'n ymwneud â gweithredu datganoli a achoswyd gan Ddeddf Marchnad Fewnol y Deyrnas Unedig 2020. Felly, byddai'r Llywodraeth nawr yn mynd ati i ddatblygu cynllun sy'n cefnogi'r newid i drefn ailddefnyddio ar gyfer yr holl gynwysyddion diodydd, gan gynnwys y rhai a wneir o wydr.

2.6 O ystyried record Cymru ar gyfraddau ailgylchu a heb newidiadau i Ddeddf Marchnad Fewnol y DU, cydnabuwyd y byddai'r dull pedair gwlad yn rhoi Cymru o dan anfantais ac yn gosod costau ychwanegol ar awdurdodau lleol a chwmnïau ailgylchu.

3.1 Ystyriodd y Cabinet Grid y Cyfarfodydd Llawn gan nodi bod amser pleidleisio wedi ei drefnu ar gyfer 6.20pm ddydd Mawrth a thua 6.25pm ddydd Mercher.

4.1 Cyflwynodd Ysgrifennydd y Cabinet dros Gyllid a'r Gymraeg y papur, a oedd yn gofyn i'r Cabinet gytuno ar ddyraniadau Cyllideb Ddrafft 2025-2026, ar y ddealltwriaeth bod nifer bach o faterion yn parhau heb eu datrys. Gofynnwyd i'r Cabinet hefyd nodi'r camau nesaf yn y broses i alluogi ei chyhoeddi ar 10 Rhagfyr.

4.2 Croesawodd y Cabinet y papur, y cynnydd arfaethedig mewn cyllid, a'r bwriad i beidio â chynyddu cyfraddau treth incwm Cymru.

4.3 Cymeradwyodd y Cabinet y papur, yn amodol ar gyfarfodydd Gweinidogol pellach i ystyried pryderon a godwyd.

Ysgrifenyddiaeth y Cabinet
Tachwedd 2024