Creu a defnyddio codau QR

Math o god bar sy’n gallu storio gwybodaeth gan gynnwys URL yw cod QR (cod ymateb cyflym).

Gall defnyddwyr sganio codau QR gan ddefnyddio eu ffôn clyfar i agor gwefannau neu lawrlwytho apiau.

Dylai codau QR ar ddeunyddiau Llywodraeth Cymru anfon defnyddwyr i enwau parth y llywodraeth, er enghraifft www.llyw.cymru.

Rhaid i’r Tîm Digidol Corfforaethol gytuno ar ddolen o god QR i barth nad yw’n barth y llywodraeth, cysylltwch â digidol@llyw.cymru. 

Defnyddiwch URL sy’n olrhain i ddarganfod faint o ddefnyddwyr sy’n dilyn y ddolen mewn cod QR.

Gallwch greu URL sy’n olrhain gan ddefnyddio adeiladydd URL Campaign Google.

Os oes angen help arnoch, cysylltwch â digidol@llyw.cymru.

Mae’n hanfodol bod y cod yn ddigon mawr ar gyfer ei sganio’n hawdd:

• ar gyfer deunyddiau printiedig, 2x2 cm fel maint lleiaf, ond efallai y bydd angen codau mwy o faint er mwyn gallu sganio o fwy o bellter
• ar gyfer sgriniau digidol, cydraniad o 150x150 picsel o leiaf, gan ddibynnu ar yr amgylchedd sganio

Sicrhewch fod gofod gwag o amgylch y cod QR, sy’n cael ei adnabod fel “ffin ddistaw” (“quiet zone”), i sicrhau sganio cywir. Dylai’r ffin ddistaw fod o leiaf bedair gwaith maint modiwl unigol (y sgwâr lleiaf o fewn y cod).

Mae’r Ganolfan Seiberddiogelwch Genedlaethol yn dweud bod y rhan fwyaf o dwyll sy’n ymwneud â chodau QR:

• yn dueddol o ddigwydd mewn mannau agored, er enghraifft gorsafoedd a meysydd parcio
• yn achosion o deilwra cymdeithasol

Ystyriwch ymhle y mae’r codau QR yn mynd i gael eu gosod a pheidiwch â’u defnyddio ar gyfer lawrlwythiadau ffeiliau.

Gallwch gael cyngor ychwanegol ar godau QR gan y Ganolfan Seiberddiogelwch Genedlaethol.

Gall fod yn well defnyddio URL byr yn lle cod QR, neu ochr yn ochr â chod QR. Er enghraifft, os nad yw’r defnyddiwr yn gallu sganio’r cod QR, gall ddefnyddio’r URL byr. Dilynwch y canllawiau ar URL byr.

Gallwch greu cod QR gan ddefnyddio offeryn cynhyrchu codau QR am ddim Adobe.

Gallwch hefyd ofyn am god QR gan Wasanaethau Dylunio Llywodraeth Cymru.