Cyfarfod Panel Annibynnol Cymru ar Gydnabyddiaeth Ariannol: 22 Hydref 2024

• Saz Willey, Is-gadeirydd
• Bev Smith, Aelod
• Kate Watkins, Aelod
• Sara Rees, Ysgrifenyddiaeth
• Leighton Jones, Ysgrifenyddiaeth

Rhanddeiliaid allanol oedd yn bresennol yn y cyfarfod

• Comisiwn Democratiaeth a Ffiniau Cymru
• Shereen Williams (sylwedydd)
• Roger Ashton-Winter
• Cher Cooke
• Rhydian Fitter (un eitem agenda)

Ymddiheuriadau

• Frances Duffy, Cadeirydd
• Dianne Bevan, Aelod

Cynhaliwyd cyfarfod o Banel Annibynnol Cymru ar Gydnabyddiaeth Ariannol (y Panel) ddydd Mawrth 22 Hydref. 

Nod y cyfarfod oedd:

• adolygu'r cofnodion a'r crynodeb o gyfarfod mis Medi a chytuno ar y rhain, nodi diweddariadau'r ysgrifenyddiaeth a'r gyllideb, ac adolygu a diweddaru'r cynllun gweithredol ar gyfer 2024 i 2025.
• ystyried a chytuno ar nifer o bapurau a gyflwynwyd i'r Panel, sef: 
  • cwmpas cyflogau uwch yn yr awdurdodau lleol
  • trosglwyddo data o'r Panel i Gomisiwn Democratiaeth a Ffiniau Cymru
  • diweddariad a chynnwys arfaethedig yr adroddiad etifeddiaeth 
• adolygu'r cynllun cyfathrebu wedi'i ddiweddaru

Isod, ceir crynodeb o drafodaethau a phenderfyniadau'r Panel.

Cytunodd y Panel ar y cofnodion a'r crynodeb o ddiwrnod strategaeth mis Medi a nododd y diweddariad ar y gyllideb.

Gwnaeth y panel adolygu a thrafod yr ohebiaeth a ddaeth i law oddi wrth dri Chyngor Cymuned a Thref, a dau Brif Gyngor, a'i ymateb i bob un.

Ystyriodd y Panel bapur ar gwmpas cyflogau uwch yn yr awdurdodau lleol. Bydd y cwmpas hwn yn galluogi Comisiwn Ffiniau a Democratiaeth Cymru i gynnal adolygiad o'r fframwaith a'r fethodoleg ar gyfer penderfynu ar gydnabyddiaeth ariannol rolau uwch o fewn Prif Gynghorau er mwyn llywio penderfyniadau ar gyfer 2026 i 2027.

Rhoddwyd cefndir a diweddariad i'r Panel ar y gwaith pontio a wnaed gan swyddogion a gofynnwyd iddo gytuno i'r amserlen arfaethedig ar gyfer trosglwyddo data ffeiliau i Gomisiwn Democratiaeth a Ffiniau Cymru. 

Cyflwynwyd fersiwn ddrafft o'r adroddiad etifeddiaeth i'r Panel. Caiff yr adroddiad hwn ei gyhoeddi ym mis Mawrth 2025 ac fe fydd yn cynorthwyo'r broses o drosglwyddo swyddogaethau o'r Panel i Gomisiwn Democratiaeth a Ffiniau Cymru. Bydd yr adroddiad hwn yn cynnwys meysydd o ddiddordeb lle y gallai fod angen ystyriaeth bellach yn y dyfodol, megis cynrychiolaeth ieuenctid ac aelodau cyfetholedig.

Ystyriodd y Panel y cynllun cyfathrebu wedi'i ddiweddaru a gyflwynwyd gan Rhydian Fitter o Gomisiwn Democratiaeth a Ffiniau Cymru.

Trafododd y Panel yr adborth a ddaeth i law yn dilyn eu presenoldeb yng nghyfarfod y Pennaeth Gwasanaethau Democrataidd ar 8 Hydref. Rhoddodd y cyfarfod hwn gyfle i'r Panel drafod y cynigion a gynhwysir yn yr adroddiad blynyddol drafft ar gyfer 2025 i 2026.

Mae'r adroddiad blynyddol drafft wedi'i gyhoeddi, mae'r cyfnod ymgynghori yn dod i ben ar 29 Tachwedd 2024. Gallwch roi adborth ar yr adroddiad drafft hwn drwy lenwi'r ffurflen ar-lein neu drwy anfon e-bost atom ar irpmailbox@llyw.cymru.

Bydd cyfarfod nesaf Panel Annibynnol Cymru ar Gydnabyddiaeth Ariannol yn cael ei gynnal ar 15 Tachwedd 2024.

Os bydd gennych unrhyw faterion yr hoffech eu codi gyda’r Panel, mae croeso ichi gysylltu drwy'r Ysgrifenyddiaeth, cyfeiriad e-bost: IRPMailbox@llyw.cymru.