Cyfarfod Panel Annibynnol Cymru ar Gydnabyddiaeth Ariannol: 3 Medi 2024

• Frances Duffy, Cadeirydd
• Saz Willey, Is-gadeirydd
• Bev Smith, Aelod
• Dianne Bevan, Aelod 
• Kate Watkins, Aelod
• Sara Rees, Ysgrifenyddiaeth
• Leighton Jones, Ysgrifenyddiaeth
• Elaina Chamberlain, Ysgrifenyddiaeth

Rhanddeiliaid allanol oedd yn bresennol yn y cyfarfod

• Comisiwn Democratiaeth a Ffiniau Cymru
• Shereen Williams (sylwedydd)
• Roger Ashton Winter
• Cher Cooke

Cynhaliwyd cyfarfod o Banel Annibynnol Cymru ar Gydnabyddiaeth Ariannol (y Panel) ddydd Mawrth 4 Medi. 

Nod y diwrnod strategaeth oedd:

• cytuno ar yr Adroddiad Blynyddol Drafft ar gyfer 2025 i 2026
• trafod a chytuno ar amlinelliad ar gyfer Adroddiad Etifeddiaeth y Panel
• ystyried a chytuno ar ymateb i ymgynghoriad ar rannu swyddi

Ystyriodd y panel hefyd:

• bapur ymchwil a thystiolaeth yn ategu'r adroddiad blynyddol drafft
• awdurdodau Tân ac Achub ac Awdurdodau Parciau Cenedlaethol Cyflogau uwch                         
• tystiolaeth gan grwpiau cydraddoldeb ac adborth o sesiynau ymgysylltu ar effaith penderfyniadau
• diweddariad gan Brif Weithredwr Comisiwn Democratiaeth a Ffiniau Cymru (DBCC) ar waith y Grŵp Gorchwyl a Gorffen Iechyd Democrataidd (DHFTG)
• effaith Deddf Cenedlaethau'r Dyfodol 2015 ar weithrediadau a meysydd cyflawni'r Panel.   
• y Gofrestr Risgiau   

Isod, ceir crynodeb o drafodaethau a phenderfyniadau'r Panel.

Ystyriodd y Panel bapur ymchwil a thystiolaeth a gyflwynwyd gan Saz Willey. Byddai'r papur hwn yn llywio penderfyniad y Panel ar uwchraddio lwfansau blynyddol ar gyfer y flwyddyn ariannol 2025 i 2026. Caiff y papur hwn ei gyhoeddi ochr yn ochr â'r adroddiad blynyddol terfynol ym mis Chwefror 2025.

Cyflwynwyd papur i'r Panel hefyd ar gydnabyddiaeth ariannol ar gyfer Awdurdodau Tân ac Achub (FRAs) ac Awdurdodau Parciau Cenedlaethol (NPAs). Rhoddodd y papur hwn wybodaeth a thystiolaeth a gasglwyd ar gydnabyddiaeth ariannol cadeiryddion a dirprwy gadeiryddion FRAs a NPAs. Bydd ymchwil yn cael ei chynnwys yn yr adroddiad etifeddiaeth i alluogi'r DBCC i fwrw ymlaen.

Cafodd y Panel adborth o sesiynau ymgysylltu a gynhaliwyd rhwng aelodau'r Panel a rhanddeiliaid. Bydd y Panel yn cyfarfod â'r awdurdodau drwy gydol y cyfnod ymgynghori ar ei adroddiad blynyddol drafft.

Rhoddwyd diweddariad i'r Panel gan y Grŵp Gorchwyl a Gorffen Iechyd Democrataidd ac fe ystyriodd y Panel feysydd ar gyfer yr adroddiad a oedd yn cynnwys cwmpasu gwaith pellach ar gyflogau uwch a gwaith y panel i roi Deddf Cenedlaethau'r Dyfodol ar waith.

Trafododd y Panel hefyd yr amlinelliad o'r hyn sydd i'w gynnwys yn yr adroddiad etifeddiaeth a'r bwriad i'w gyhoeddi. 

Ochr yn ochr â thrafodaethau a phenderfyniadau'r adroddiadau blynyddol ac etifeddiaeth drafft, cytunodd y Panel hefyd i ymateb ar ymgynghoriad gan Lywodraeth Cymru. Roedd hyn yn ymwneud ag ymestyn darpariaethau rhannu swydd ar gyfer aelodau etholedig o brif gynghorau i rolau nad ydynt yn rhan o'r weithrediaeth.

Yn ogystal, cytunodd y Panel i fabwysiadu cofnodion cyfarfod mis Gorffennaf.

Gwnaeth y Panel ystyried a chytuno ar ymateb i ymholiad a ddaeth i law oddi wrth brif gyngor.

Bydd cyfarfod nesaf Panel Annibynnol Cymru ar Gydnabyddiaeth Ariannol yn cael ei gynnal ar 22 Hydref 2024. 

Os bydd gennych unrhyw faterion yr hoffech eu codi gyda’r Panel, mae croeso ichi gysylltu drwy'r Ysgrifenyddiaeth, cyfeiriad e-bost: IRPMailbox@llyw.cymru.