Ystadegau gweithredol y awdurdod tân ac achub: Ebrill 2023 i Fawrth 2024

• Roedd 2,211 o staff cyfwerth ag amser llawn a 1,2978 o staff system ar ddyletswydd yn ôl galw wedi’u cyflogi ar draws ardaloedd y tri Awdurdod Tân ac Achub Cymru ar 31 Mawrth 2024 o gymharu â 2,215 o staff cyfwerth ag amser llawn a 1,293 o staff yn ôl galw ar 31 Mawrth 2023. Mae nifer y staff cyfwerth ag amser llawn wedi gostwng am y tro cyntaf ers 2018-19; mae nifer y staff system ar ddyletswydd yn ôl galw hefyd wedi gostwng ond wedi bod yn dueddol o amrywio. 
• O’r 2,211 staff cyfwerth ag amser llawn, roedd dros ddwy ran o dair (1,492) yn ddiffoddwyr tân amser cyflawn, cyfran debyg i flynyddoedd cynharach.

• Yn ystod 2023-24, collwyd 11.6 sifft/diwrnod y pen oherwydd salwch ar gyfer diffoddwyr tân amser cyflawn a 17.9 sifft/diwrnod ar gyfer staff rheoli tân.
• Cafodd diffoddwyr tân amser cyflawn (gan gynnwys criwiau dydd) a diffoddwyr tân yn ôl galw 117 o anafiadau yn ystod gweithgareddau gweithredol a hyfforddiant.

• Yn ystod 2023-24 deliodd staff rheoli tân gyda bron i 71,500 o alwadau yng Nghymru, gostyngiad o 3% ar 2022‑23.

• Yn ystod 2023-24, cwblhaodd Awdurdodau Tân ac Achub Cymru 1,875 archwiliad diogelwch tân mewn adeiladau annomestig. Roedd hyn yn cynrychioli 2% o adeiladau o’r fath yng Nghymru.

• Yn ystod 2022-23, cwblhaodd yr Awdurdodau Tân ac Achub yng Nghymru dros 45,000 o wiriadau diogelwch tân yn y cartref; mewn 80% o’r rhain, nodwyd bod o leiaf un aelod o’r aelwyd yn arddangos risg.
• Yn ystod 2023-24, cwblhaodd yr Awdurdodau Tân ac Achub bron i 20,000 o wiriadau diogelwch tân yn y cartref a oedd hefyd yn cynnwys y cwblhad o weithgareddau atal nad yw’n gysylltiedig â thân. Dros i 2,300 gael eu cyfeirio ymlaen gan yr Awdurdodau Tân ac Achub i sefydliad arall.

Ystadegydd: Claire Davey
E-bost: ystadegau.cynhwysiant@llyw.cymru

Cyfryngau: 0300 025 8099