Defnyddiwch y ffurflen ar-lein hon i hawlio ad-daliad Treth Trafodiadau Tir (TTT) os yw eich eiddo yn adfeiliedig neu'n anaddas ar gyfer ei ddefnyddio fel annedd.
Gallwch wneud cais neu ddiwygio eich ffurflen os:
- mai chi yw prynwr yr eiddo
- mai chi yw’r cyfreithiwr neu'r trawsgludydd a weithredodd dros y prynwr yn y pryniant gwreiddiol
- ydych yn rhywun arall sydd wedi’u hawdurdodi i weithredu ar ran y prynwr
Cyn i chi ddechrau
Darllenwch ein canllaw eiddo adfeiliedig i ganfod a yw eich eiddo yn adfeiliedig neu'n anaddas ar gyfer ei ddefnyddio fel annedd.
Rydym yn gwirio pob diwygiad a hawliad. Bydd angen i chi ad-dalu'r dreth ac unrhyw gosbau a llog os yw’n anghywir. O ganlyniad, efallai y byddwch yn waeth eich byd yn ariannol.
Bydd arnoch angen:
- Eich manylion.
- Manylion y prif brynwr os ydyn nhw’n wahanol i'ch manylion chi.
- Manylion y trafodiad gwreiddiol.
- Cyfeirnod unigryw, 12 digid, y trafodiad (CUT).
- Tystiolaeth sy'n dangos fod yr eiddo’n adfeiliedig neu'n anaddas ar gyfer ei ddefnyddio fel annedd.
- Swm y dreth a dalwyd yn wreiddiol.
- Faint o dreth sydd i’w ad-dalu.
- Manylion cyfrif banc a chod didoli’r person fydd yn derbyn y taliad.
Tystiolaeth sy'n dangos fod yr eiddo’n adfeiliedig neu'n anaddas ar gyfer ei ddefnyddio fel annedd.
Bydd angen i chi uwchlwytho copïau electronig sy'n dangos:
- tystiolaeth sy'n dangos fod eich eiddo’n adfeiliedig neu'n anaddas ar gyfer ei ddefnyddio fel annedd
- cyflwr yr eiddo
- unrhyw waith atgyweirio sydd angen ei wneud
Tystiolaeth a argymhellir
- Adroddiadau, fel:
- adroddiad prynwyr cartrefi Sefydliad Brenhinol y Syrfewyr Siartredig (RICS)
- adroddiad syrfewr
- adroddiad strwythurol
- adroddiad arolygydd adeiladau
- Ffotograffau o gyflwr yr eiddo.
- Manylion gwerthu.
Yn ogystal â'r dystiolaeth hon, gallwch uwchlwytho:
- contract gwerthu
- caniatâd cynllunio
- anfonebau a derbynebau am waith a gwblhawyd
- ffurflen esemptiad rhag y Dreth Gyngor
Tystiolaeth na allwn ei derbyn
- ffotograffau a dynnwyd ar ôl y dyddiad dod i rym, ar ôl i'r gwaith atgyweirio ddechrau
- delweddau aneglur, lle mae graen ffilm neu bicseli yn amlwg
Cysylltwch â ni os oes arnoch angen cyflwyno hawliad neu welliant heb dystiolaeth ategol.
Gwasanaeth ar-lein Awdurdod Cyllid Cymru
Sut rydym yn defnyddio eich gwybodaeth
Edrychwch ar ein polisi preifatrwydd i weld sut rydym yn defnyddio'r wybodaeth y byddwch chi’n ei rhoi i ni.
Cymorth
Os oes angen cymorth arnoch neu os hoffech y ffurflen mewn fformat gwahanol, cysylltwch â ni.