Jayne Bryant AS, Ysgrifennydd y Cabinet dros Lywodraeth Leol a Thai
Mewn ymateb i argymhellion Pwyllgor Llywodraeth Leol a Thai y Senedd yn dilyn ymchwiliad am asedau cymunedol, sefydlodd Llywodraeth Cymru y Comisiwn Asedau Cymunedol, mewn partneriaeth ag Ystadau Cymru.
Dechreuodd y comisiwn ar ei waith ym mis Mawrth 2024 ar ffurf grŵp gorchwyl a gorffen. Mae ganddo 18 aelod, sy'n cynrychioli grwpiau rhanddeiliaid allweddol, gan gynnwys Plunkett Foundation, Un Llais Cymru, Cyngor Gweithredu Gwirfoddol Cymru, Cymdeithas Ymddiriedolaethau Datblygu Cymru a Chymdeithas Tai Barcud. Nodir rhestr aelodaeth lawn yn yr atodiad.
Bydd ei waith yn canolbwyntio ar dir, adeiladu ac asedau naturiol – cyfleusterau lleol sy'n dod â phobl ynghyd, gan gynnwys canolfannau celf, llyfrgelloedd, amgueddfeydd, canolfannau hamdden a mannau gwyrdd. Mae asedau yn y sector cyhoeddus, preifat neu wirfoddol a'r rhai sydd o dan berchnogaeth gymunedol i gyd o fewn cwmpas y comisiwn.
Bydd ymchwil academaidd annibynnol a gweithdai rhanddeiliaid thematig yn cael eu cynnal gan Brifysgol Caerdydd o 24 Medi i ddeall yr heriau sy'n wynebu asedau cymunedol; opsiynau ar gyfer perchnogaeth a rheolaeth, ac i gwmpasu cynigion i ddatblygu'r agenda asedau cymunedol ymhellach.
Cyhoeddir cylch gorchwyl y comisiwn ar wefan Ystadau Cymru yn www.llyw.cymru/ystadau-cymru.
Atodiad: Aelodaeth y Comisiwn Asedau Cymunedol
Cadeirydd: Gwyn Roberts, Galeri Caernarfon
Sara Nason, Prifysgol Bangor
Richard Baker, Llywodraeth Cymru
Andrew Charles, Llywodraeth Cymru
Chris Buchan, Llywodraeth Cymru
Neil Frow, Partneriaeth Cydwasanaethau'r GIG
Dominic Driver, Cyfoeth Naturiol Cymru
Lorna Cross, cynrychiolydd awdurdod lleol
Lyn Cadwallader, Un Llais Cymru
John Rose, Cronfa Gymunedol y Loteri Genedlaethol
Alun Jones, WCVA
Casey Edwards, CWMPAS
Chris Blake, Cymru Gynaliadwy
Meleri Davies, Partneriaeth Ogwen
Chris Cowcher, Plunkett Foundation
Adam Kennerley, Cymdeithas Ymddiriedolaethau Datblygu Cymru
Joanna Rees, Barcud
Jonathan Fearn, Cyngor Sir Caerfyrddin