Gwerthusiad o’r Cynllun Datblygu Cadwyni Cyflenwi a Chydweithio

Prif ganfyddiadau

• Mae’r prosiectau a gynhaliwyd wrth ddefnyddio cyllid y Cynllun Datblygu Cadwyni Cyflenwi a Chydweithio (CSCDS) yn amrywiol iawn, gan gwmpasu gwaith dichonoldeb, gweithgareddau peilot ac arddangos, yn ogystal â datblygu cynhyrchion, arferion, prosesau a thechnolegau newydd.
• Roedd y gweithgareddau’n amrywio o weithgarwch amaethyddol/garddwriaeth, marchnata bwyd a diod a thwristiaeth, i brosiectau sy’n canolbwyntio ar gynaliadwyedd mewn perthynas ag effeithlonrwydd ynni ac ynni adnewyddadwy, gwasanaethau ecosystem pridd a dŵr, a thrafnidiaeth gynaliadwy, yn ogystal â gweithgareddau datblygu gwledig ehangach sy’n cynnwys teithio llesol, y Gymraeg, a chynhwysiant digidol.
• Mae gan gynllun fel y CSCDS botensial strategol sylweddol ar gyfer economïau gwledig Cymru. Fodd bynnag, gwelwyd bod asesu gwerth strategol cynigion prosiect ar ôl i’r rheiny gael eu cyflwyno yn rhy adweithiol i gael y gwerth gorau posibl.
• Roedd adborth rhanddeiliaid yn gyson yn sôn am y ffaith nad oedd y prosesau a’r systemau gweinyddol a ddefnyddiwyd ar gyfer y rhyngweithio rhwng rheoli rhaglen CSCDS a phrosiectau unigol yn briodol ar gyfer natur a graddfa’r math o brosiectau a gefnogwyd drwy’r cynllun.
• Mae’r meta-adolygiad a chyfweliadau â rhanddeiliaid hefyd yn dangos mai anaml y cafodd prosiectau’r CSCDS unigol unrhyw sylw gyda grŵp targed ehangach o sefydliadau â diddordeb.
• Cyffredinol, tystiolaeth glir bod llawer o brosiectau’r CSCDS yn ymgysylltu’n effeithiol â buddiolwyr uniongyrchol prosiectau.