Cofnodion cyfarfod Pwyllgor Ymgynghorol Cafcass Cymru: 7 Tachwedd 2023

• Tracey Holdsworth, (Cadeirydd), NSPCC Cymru
• Mike Clark, TGP Cymru 
• Laura Fordes, Bwrdd Cyfiawnder Teuluol i Bobl Ifanc 
• Oliver Marshall-Critchley, Bwrdd Cyfiawnder Teuluol i Bobl Ifanc
• Lauren Shepherd, Bwrdd Cyfiawnder Teuluol i Bobl Ifanc
• Kate Thomas, Cafcass Cymru 
• Paul Apreda, FNF Both Parents Matter Cymru 
• Sarah Coldrick, Cymdeithas Maethu, Gofal Perthynas a Mabwysiadu Cymru
• Caroline Rawson, Prosiect Cynghori ar Anghenion Arbennig (SNAP) Cymru
• Rebecca Jones, Myfyrwraig PHD
• Sean O’Neill, Plant yng Nghymru
• Ei Hanrhydedd y Farnwres Jayne Scannell, Y Farnwriaeth
• Sara Kirkpatrick, Cymorth i Ferched Cymru
• Nigel Brown, Cafcass Cymru 
• Matthew Pinnell, Cafcass Cymru 
• Gwyneth Roberts, Cafcass Cymru (Ysgrifenyddiaeth)

Derbyniwyd ymddiheuriadau gan:

• Gareth Jenkins, Cynrychiolydd ADSS
• De Litchfield, Cafcass Cymru 
• Catrin Cracroft, Cynrychiolydd Cymdeithas y Cyfreithwyr
• Helal Uddin, Tîm Cymorth Lleiafrifoedd Ethnig ac Ieuenctid Cymru (EYST Cymru)
• Samantha Williams, Anabledd Dysgu Cymru
• Neil Pring, GLlTEF

Croesawodd Nigel bawb i'r cyfarfod a chyflwynodd Tracey Holdsworth fel cadeirydd newydd y Pwyllgor Cynghori.

Cytunodd yr aelodau fod cofnodion y cyfarfod a gynhaliwyd ar 7 Mawrth 2023 yn gofnod cywir ac nad oedd unrhyw faterion yn codi. 

Cam Gweithredu: Roedd cam gweithredu yn ymwneud â chais gan Paul Apreda mewn perthynas â'r swm y mae Cafcass Cymru yn ei dalu i ganolfannau cyswllt dan oruchwyliaeth. Rhoddodd Nigel Brown wybod i'r aelodau am y swm a delir i'r gwasanaethau hyn.

Rhoddodd Kate Thomas gyflwyniad PowerPoint manwl ar y wybodaeth a gasglwyd mewn perthynas â phlant a oedd wedi'u hildio. Roedd y cyflwyniad yn drwyadl iawn ac wedi'i gyflwyno'n dda. Gofynnodd yr aelodau sawl cwestiwn, gan ddiolch i Kate am y cyflwyniad llawn gwybodaeth.

Roedd disgwyl i'r Cynllun Peilot Braenaru yn y gogledd ddod i ben ym mis Mawrth 2024, ond mae'r Weinyddiaeth Gyfiawnder bellach wedi rhoi estyniad i fis Mawrth 2025. Hefyd, mae wedi cytuno iddo gael ei gyflwyno yn Ne-ddwyrain Cymru o fis Ebrill 2024 ymlaen. 

Ei Hanrhydedd y Farnwres Scannell sy'n arwain y broses o gyflwyno'r cynllun Braenaru yn Ne-ddwyrain Cymru a chadarnhaodd pa mor falch ydyw ei bod yn ymgymryd â'r rôl hon.

Rhoddwyd cyflwyniad pwerus iawn gan Rebecca Jones ar yr ymchwil y mae wedi'i chwblhau wrth goladu a dadansoddi profiadau'r plant sydd wedi bod yn rhan o'r Cynllun Peilot Braenaru yn y gogledd. Gofynnodd aelodau nifer o gwestiynau i Rebecca a diolchwyd iddi am gyflwyno adroddiad mor gynhwysfawr a gwybodus mewn ffordd mor glir.

Rhoddodd y Bwrdd Cyfiawnder Teuluol i Bobl Ifanc gyflwyniad da a thrylwyr iawn ar y gwaith a wnaed ganddo dros y misoedd diwethaf. 

Diolchodd yr holl aelodau a rhoddwyd adborth cadarnhaol ar gyflwyniad aelodau'r Bwrdd Cyfiawnder Teuluol i Bobl Ifanc.

Nid oedd unrhyw fater arall i’w drafod a daethpwyd â’r cyfarfod i ben. 

Cynhelir cyfarfod nesaf y pwyllgor rhwng 16:00 a 17:30 ar 5 Mawrth 2024 trwy Teams.