Mae'r datganiad hwn yn rhoi gwybodaeth am allu'r boblogaeth 16 oed neu hŷn i siarad Cymraeg yn ôl eu cyfeiriadedd rhywiol a'u hunaniaeth rhywedd ar sail yr hyn a gofnodwyd ganddynt yng Nghyfrifiad 2021.
Nid y datganiad diweddaraf yn y gyfres: Y cyfrifiad o'r boblogaeth
Ar 5 Medi 2024, fe wnaeth Emma Rourke, y Dirprwy Ystadegydd Gwladol, ysgrifennu i Ed Humpherson (Swyddfa Ystadegau Gwladol), sef Pennaeth y Swyddfa Rheoleiddio Ystadegau, i wneud cais fod yr amcangyfrifon hunaniaeth rhywedd o Gyfrifiad 2021 ddim bellach yn ystadegau swyddogol achrededig ac yn hytrach wedi’u dynodi fel ystadegau swyddogol o dan ddatblygiad. Cadarnhaodd y Swyddfa Rheoleiddio Ystadegau y newid yn y ddynodiad ar 12 Medi 2024. Er mwyn adlewyrchu’r newid yma mewn dynodiad, mae’r logo ystadegau swyddogol achrededig wedi’i dynnu o’r datganiad yma.
Ar 6 Rhagfyr 2022, cyhoeddwyd bwletin ystadegol yn crynhoi canlyniadau cychwynnol Cyfrifiad 2021 ar Y Gymraeg yng Nghymru. Ers hynny, rydym wedi defnyddio data'r Cyfrifiad i gyhoeddi crynodebau pwnc ar Y Gymraeg yn ôl nodweddion y boblogaeth, Cyfansoddiad cartrefi yng Nghymru o ran y Gymraeg a Chyfraddau trosglwyddo’r Gymraeg ar yr aelwyd yn ôl rhyw.
Yn ddiweddar, cyhoeddodd y Swyddfa Ystadegau Gwladol (SYG) dablau data ar sgiliau Cymraeg y boblogaeth sy'n byw yng Nghymru yn ôl cyfeiriadedd rhywiol (SYG) a hunaniaeth rhywedd (SYG) o Gyfrifiad 2021. Mae'r datganiad ystadegol hwn yn crynhoi'r canlyniadau hynny.
7 Ebrill 2025
Mae’r SYG wedi cyflawni gwaith ansawdd ychwanegol i ddarparu gwybodaeth mwy manwl ar yr ansicrwydd sy’n gysylltiedig â amcangyfrifon hunaniaeth rhywedd Cyfrifiad 2021 a chanllawiau ar eu defnydd priodol. Gwelir yr erthygl a gyhoeddwyd ganddynt ar 26 Mawrth - Census 2021 gender identity estimates for England and Wales, additional guidance on uncertainty and appropriate use (SYG) (Saesneg yn unig). Rydym yn adolygu’r bwletin ystadegol yma gan ddefnyddio canllawiau’r SYG ac efallai y byddwn yn ychwanegu mwy o wybodaeth am ddefnydd priodol o’r data.
Adroddiadau
Setiau data ac adnoddau rhyngweithiol
Cyswllt
Cyfryngau
Rhif ffôn: 0300 025 8099
Rydym yn croesawu galwadau yn Gymraeg.