Grant i alluogi arloesi a threfniadau cydweithio rhwng sectorau a/neu bartneriaethau rhanbarthol yn ymwneud â thlodi plant.
Cynnwys
Pa gyllid sydd ar gael?
Mae £900,000 ar gael i gefnogi sefydliadau'r sector cyhoeddus a'r trydydd sector (sy'n cynnwys grwpiau ffydd).
Byddwn yn darparu grantiau i sefydliadau/grwpiau cymwys o hyd at uchafswm o £5,000, £25,000 a £100,000 yn dibynnu ar y cynllun grant y mae eich sefydliad/grŵp yn gwneud cais amdano.
Gwybodaeth am y grant
Mae'r grant ar gael i gefnogi sefydliadau'r sector cyhoeddus a'r trydydd sector yn eu hymdrechion i gyflawni'r canlynol:
- Gwella gallu sefydliadau i ffurfio trefniadau cydweithio i fynd i'r afael â thlodi plant, sy'n gysylltiedig ag un neu fwy o 5 amcan Strategaeth Tlodi Plant Cymru 2024.
- Cefnogi sefydliadau i gyfathrebu'n effeithiol, cydweithio a throsglwyddo gwybodaeth wrth ymateb i dlodi plant ar lefel ranbarthol, lleol neu gymunedol.
Mae cyllid grant ar gael i:
- wneud cynnydd, cryfhau ac ychwanegu gwerth at drefniadau cydweithio/gweithio mewn partneriaeth sydd eisoes ar waith
- sefydlu trefniadau cydweithio/gweithio mewn partneriaeth newydd, gan gynnwys costau staff i ryddhau capasiti i helpu gyda threfniadau cydweithio
Dylai fod 1 ymgeisydd arweiniol a fydd yn gweithredu fel deiliad y grant a rheolwr data.
Ni fyddwn yn derbyn ceisiadau gan unrhyw sefydliad sydd â chysylltiad â phlaid wleidyddol.
Y meini prawf gofynnol
Bydd ymgeiswyr llwyddiannus yn cyflawni'r gwaith hwn erbyn 31 Mawrth 2025. Fel rhan o'ch cais, dylech amlinellu'r adnoddau y byddwch yn eu hymrwymo a darparu amserlen arfaethedig ar gyfer y gweithgaredd.
Bydd yr ymgeiswyr llwyddiannus am grantiau llai hyd at £5,000 yn cael ffurflen hunanasesu i'w chwblhau a'i hadolygu ar adegau y cytunwyd arnynt fel rhan o'r broses o fonitro'r grant.
Rhaid i bob cais am grantiau dros £5,000 a hyd at £100,000 gynnwys gwybodaeth am eu dull o werthuso'r gweithgaredd a gyflawnir o dan y grant.
Rydym yn croesawu ceisiadau sy'n gallu cynnig ymgysylltiad drwy'r Gymraeg ar gyfer cymunedau Cymraeg eu hiaith ac sy'n diwallu anghenion ieithyddol eraill fel sy'n berthnasol i'r gymuned dan sylw.
Sut i wneud cais
Mae'r ceisiadau ar gau ar gyfer 2024.
Amserlen a gwybodaeth bellach
- 14 Mehefin 2024: y cyfnod ymgeisio am grant yn agor.
- 14 Gorffennaf 2024: y cyfnod ymgeisio am grant yn cau.
- Wythnos yn dechrau 12 Awst 2024: anfon llythyr at yr ymgeiswyr ynghylch y canlyniad.
- Wythnos yn dechrau 19 Awst 2024: anfon y llythyrau dyfarnu grant.