Nifer y bobl a gadwyd o dan Adran 135 ac 136 o’r Ddeddf Iechyd Meddwl: Ionawr i Fawrth 2024

Y Ddeddf Iechyd Meddwl 1983 yw'r gyfraith yng Nghymru a Lloegr sy'n caniatáu i bobl gael eu derbyn i'r ysbyty, gyda neu heb eu cydsyniad, ar gyfer asesu a thrin anhwylder meddyliol.

Mae'r ystadegau hyn yn cyfrannu at ddealltwriaeth o'r defnydd o Adrannau 135 a 136 o'r Ddeddf iechyd meddwl ledled Cymru a gwaith amlasiantaeth i ymateb i ofal mewn argyfwng iechyd meddwl.

Yn ystod y chwarter a daeth i ben ym Mawrth 2024

• Cafwyd 25 achos o gadw pobl o dan Adran 135 ac 483 achos o gadw pobl o dan Adran 136 yng Nghymru.
• Dynion oedd y gyfran uchaf o’r holl rai a gafodd eu cadw. 
• Roedd 95.7% o bob achos yn 18 oed neu'n hŷn.   
• Roedd 92.9% o'r bobl a gadwyd yn perthyn i’r grŵp ethnig Gwyn. 
• Lleoliad iechyd diogel oedd y man diogel cyntaf yr aethpwyd â 65.2% o'r bobl a gadwyd iddo, a cherbyd heddlu oedd y dull cludo mwyaf tebygol.
• Ar ôl cael eu hasesu, cafodd 41.7% o'r bobl a gadwyd eu rhyddhau gyda chynllun gofal iechyd meddwl yn y gymuned.

Ystadegydd: Helen Roberts
E-bost: hss.performance@llyw.cymru

Cyfryngau: 0300 025 8099