Sarah Murphy AS Y Gweinidog Iechyd Meddwl a Llesiant
Cynnwys
Cyfrifoldebau'r Gweinidog Iechyd Meddwl a Llesiant
Cynnwys
Cyfrifoldebau
- Gwasanaethau iechyd meddwl
- Atal hunanladdiad
- Dementia
- Niwroamrywiaeth
- Anabledd dysgu
- Gwasanaethau caethiwed
- Effaith gamblo cymhellol ar iechyd
- Tybaco a Fepio
- Camddefnyddio sylweddau
- Yr Asiantaeth Safonau Bwyd yng Nghymru, gan gynnwys diogelwch bwyd
- Gweithgarwch corfforol a hamdden egnïol yng Nghymru
- Arloesi, technoleg a thrawsnewid digidol ym maes iechyd
- Iechyd menywod
- Iechyd Aelodau a Chyn-aelodau o'r Lluoedd Arfog
Bywgraffiad
Cyn cael ei hethol, graddiodd Sarah o’r Ysgol Newyddiaduraeth, y Cyfryngau a Chyfathrebu ym Mhrifysgol Caerdydd gydag MA (Rhagoriaeth) mewn Cyfryngau Digidol a Chymdeithas. Rhwng 2019 a 2021, ymchwiliodd i ddefnydd llywodraethau'r DU a rhyngwladol o ddata mawr a dulliau dylunio algorithmig ar gyfer gwasanaethau cyhoeddus – gan ganolbwyntio ar nodi niwed data posibl a gwahaniaethu yn erbyn plant a theuluoedd. Yn 2024, cyhoeddwyd ei hymchwil gyda'r Labordy Cyfiawnder Data i undebau llafur a deallusrwydd artiffisial yn y gweithle yn y cyfnodolyn Transfer: European Journal of Labour and Research, a adolygir gan gymheiriaid.
Ym mis Mai 2022, rhoddodd Sarah araith yn Siambr y Senedd am ei phrofiad ei hun o fod ag anhwylder bwyta pan oedd yn ei harddegau ac mae wedi bod yn awyddus i hyrwyddo ac chryfhau lleisiau'r rhai â phrofiad byw i wella gwasanaethau. Roedd Sarah hefyd yn Ymddiriedolwr ar gyfer Canolfan Adsefydlu Alcohol a Chyffuriau Cymru hyd nes iddi gael ei hethol.
Cyn cael ei phenodi i Lywodraeth Cymru, roedd Sarah yn aelod o Bwyllgor Iechyd a Gofal Cymdeithasol y Senedd a gynhaliodd yr ymchwiliad i ofal canser gynaecolegol ac anghydraddoldebau iechyd meddwl yng Nghymru.
Ar 11 Medi 2024, penodwyd Sarah yn Weinidog Iechyd Meddwl a Llesiant.