Cyfarfod y Cabinet: 26 Chwefror 2024

• Y Gwir Anrh. Mark Drakeford AS (Cadeirydd)
• Rebecca Evans AS
• Vaughan Gething AS
• Lesley Griffiths AS (o eitem 2)
• Jane Hutt AS
• Julie James AS
• Jeremy Miles AS
• Eluned Morgan AS
• Mick Antoniw AS
   
• Hannah Blythyn AS
• Dawn Bowden AS
• Julie Morgan AS
• Lynne Neagle AS
• Lee Waters AS

Swyddogion

• Andrew Goodall, yr Ysgrifennydd Parhaol
• Des Clifford, Cyfarwyddwr, Swyddfa’r Prif Weinidog
• Matthew Hall, Pennaeth Is-adran y Cabinet
• Toby Mason, Pennaeth Cyfathrebu Strategol
• Rory Powell, Pennaeth Swyddfa'r Prif Weinidog
• Jane Runeckles, Cynghorydd Arbennig
• Madeleine Brindley, Cynghorydd Arbennig
• Alex Bevan, Cynghorydd Arbennig
• Daniel Butler, Cynghorydd Arbennig
• Ian Butler, Cynghorydd Arbennig
• Kate Edmunds, Cynghorydd Arbennig
• Sara Faye, Cynghorydd Arbennig
• Sam Hadley, Cynghorydd Arbennig
• David Hooson, Cynghorydd Arbennig
• Clare Jenkins, Cynghorydd Arbennig
• Owen John, Cynghorydd Arbennig
• Phillipa Marsden, Cynghorydd Arbennig
• Tom Woodward, Cynghorydd Arbennig
• Christopher W Morgan, Pennaeth Ysgrifenyddiaeth y Cabinet (cofnodion)
• Damian Roche, Ysgrifenyddiaeth y Cabinet
• Catrin Sully, Swyddfa’r Cabinet
• Kathryn Hallett, Swyddfa'r Prif Weinidog
• Helena Bird, Swyddfa'r Ysgrifennydd Parhaol
• Nia James, Cyfarwyddwr Dros Dro, Gwasanaethau Cyfreithiol
• Tracey Burke, Cyfarwyddwr Cyffredinol, Newid Hinsawdd a Materion Gwledig
• Sioned Evans, Cyfarwyddwr Cyffredinol, y Grŵp Gwasanaethau Cyhoeddus a'r Gymraeg
• Tim Moss, Prif Swyddog Gweithredu
• Judith Paget, Cyfarwyddwr Cyffredinol, Iechyd a Gwasanaethau Cymdeithasol
• Andrew Slade, Cyfarwyddwr Cyffredinol, yr Economi, y Trysorlys a’r Cyfansoddiad

1.1 Cymeradwyodd y Cabinet gofnodion 19 Chwefror.

Ymweliad â Gogledd Cymru

2.1 Dywedodd y Prif Weinidog wrth y Cabinet ei fod ef, a'r Gweinidog Materion Gwledig a Gogledd Cymru, a'r Trefnydd wedi mynychu cyfres o ymweliadau yn y Gogledd yr wythnos flaenorol, a bod protestwyr wedi amharu ar yr ymweliadau hyn, ond nad oedd rhai o'r protestwyr hynny'n gysylltiedig â'r ymgynghoriad ar y Cynllun Ffermio Cynaliadwy arfaethedig.

Protestiadau gan Ffermwyr

2.2 Yn gynharach y diwrnod hwnnw, roedd y Prif Weinidog a'r Gweinidog Materion Gwledig a Gogledd Cymru a'r Trefnydd wedi cyfarfod â grŵp o gynrychiolwyr ffermio, a oedd wedi trefnu cyfarfodydd protest yn y Trallwng a Chaerfyrddin, i wrando ar eu pryderon am y newidiadau arfaethedig. Nododd y Gweinidogion y byddai Datganiad Ysgrifenedig yn cael ei gyhoeddi yn nes ymlaen yr wythnos honno i ymateb i'r pryderon hyn.

Digwyddiadau Dydd Gŵyl Dewi

2.3 Dywedodd y Prif Weinidog wrth y Cabinet y byddai'n mynychu nifer o ddigwyddiadau ym Mrwsel yr wythnos honno i hyrwyddo Cymru fel rhan o ddathliadau Dydd Gŵyl Dewi. Hefyd, byddai'r Gweinidog Iechyd a Gwasanaethau Cymdeithasol yn lansio ymgyrch Cymru yn India ym Mumbai; byddai'r Gweinidog Cyfiawnder Cymdeithasol a'r Prif Chwip yn ymweld â Dulyn; a byddai'r Gweinidog Materion Gwledig a Gogledd Cymru, a'r Trefnydd yn mynychu digwyddiadau yn Llundain yn nes ymlaen yr wythnos honno.

Cyllideb Derfynol 2024-2025

2.4 Cafodd aelodau'r Cabinet eu hatgoffa gan y Prif Weinidog y byddai Cyllideb Derfynol 2024-2025 yn cael ei chyhoeddi'r bore canlynol.

Ymchwiliad COVID-19

2.5 Nododd y Cabinet y byddai'r Ymchwiliad COVID-19 yn dechrau cynnal gwrandawiadau cyhoeddus yng Nghymru y diwrnod canlynol.

3.1 Nododd y Cabinet y bu un newid i Grid y Cyfarfodydd Llawn ers i'r papurau gael eu dosbarthu. Daethpwyd i gytundeb gyda'r pleidiau gwleidyddol eraill yn y Senedd ynghylch cynnig amgen ar gyfer y ddadl ar hyblygrwydd cyllidebol. O ganlyniad, roedd cynnig y Llywodraeth wedi cael ei dynnu'n ôl, ac roedd cynnig newydd wedi ei gyflwyno. Byddai angen atal y Rheolau Sefydlog dros dro er mwyn hwyluso hyn.

3.2 Roedd amser pleidleisio wedi ei drefnu ar gyfer 5.45pm ddydd Mawrth a thua 6.25pm ddydd Mercher.

Ysgrifenyddiaeth y Cabinet
Chwefror 2024