Yr Unedau Tystiolaeth Cydraddoldeb, Hil ac Anabledd

Er mwyn deall anghydraddoldeb yng Nghymru, mae ein strategaeth yn  pwysleisio'r angen am dystiolaeth i wella o ran:

• argaeledd
• ansawdd
• manylder 
• hygyrchedd

Mae gwella tystiolaeth yn galluogi'r rhai sy'n gwneud penderfyniadau i ddatblygu polisïau mwy cytbwys. Gall hyn helpu i wella ymchwil ac ystadegau a gyhoeddir ar draws Llywodraeth Cymru. Y nod terfynol yw lleihau'r anghydraddoldeb sy'n wynebu pobl â nodweddion gwarchodedig. 

Rydym yn ychwanegu at ystadegau ac ymchwil sy'n bodoli eisoes drwy fynd i'r afael â heriau hirsefydlog gyda thystiolaeth yn y maes hwn. 

Rydym yn: 

• rhoi arweiniad i ddadansoddwyr sy'n gweithio ar ymchwil polisi ac ystadegau i helpu i gymhwyso ystyriaethau cydraddoldeb.
• rhoi cefnogaeth i sicrhau bod cynlluniau cydraddoldeb trawsbynciol yn cael eu llywio mwy gan dystiolaeth, fel y: 
  • Cynllun Cydraddoldeb Strategol.
  • Cynllun Gweithredu Cymru Wrth-hiliol
  • Cynllun Gweithredu LHDTC+
  • Cynllun Hyrwyddo Cydraddoldeb rhwng y Rhywiau

Cytunir ar ein cynllun tystiolaeth o bryd i'w gilydd i adlewyrchu'r blaenoriaethau cydraddoldeb presennol. Mae ein cynllun hefyd yn ymateb i flaenoriaethau strategol sy'n codi.

• Gwahaniaethau grŵp ethnig mewn iechyd, tai, addysg a statws economaidd yng Nghymru (Cyfrifiad 2021)
• Canlyniadau pobl anabl mewn iechyd, tai, addysg a statws economaidd (Cyfrifiad 2021)
• Gwahaniaethau cyfeiriadedd rhywiol a hunaniaeth rhywedd yn iechyd, addysg a statws economaidd (Cyfrifiad 2021)

Gweler ein rhestr gyhoeddedig o flaenoriaethau a'n diweddariadau ar gynnydd i randdeiliaid.