Cyfarfod Is-bwyllgor y Cabinet ar Gyfiawnder: 7 Chwefror 2024

• Y Gwir Anrh Mark Drakeford AS
• Mick Antoniw AS (Cadeirydd) 
• Jane Hutt AS
• Julie Morgan AS 

Swyddogion Llywodraeth Cymru

• Andrew Goodall, Yr Ysgrifennydd Parhaol
• Sioned Evans, Cyfarwyddwr Cyffredinol, Gwasanaethau Cyhoeddus a'r Gymraeg
• Piers Bisson, Cyfarwyddwr Trefniadau Pontio Ewropeaidd, y Cyfansoddiad a Chyfiawnder 
• Liz Lalley, Cyfarwyddwr, Ailgychwyn ac Adfer
• James Gerard, Dirprwy Gyfarwyddwr, Polisi Cyfiawnder
• Karin Phillips, Dirprwy Gyfarwyddwr, Diogelwch Cymunedol
• Diane Dunning, Dirprwy Gyfarwyddwr, Gwasanaethau Cyfreithiol
• Jane Runeckles, Cynghorydd Arbennig
• Kate Edmunds, Cynghorydd Arbennig
• Ian Butler, Cynghorydd Arbennig
• Owen John, Cynghorydd Arbennig
• David Hooson, Cynghorydd Arbennig
• Christopher W Morgan, Pennaeth Ysgrifenyddiaeth y Cabinet
• Damian Roche, Ysgrifenyddiaeth y Cabinet (cofnodion)
• Bethan Phillips, Uwch-ysgrifennydd Preifat i'r Gweinidog Cyfiawnder Cymdeithasol a'r Prif Chwip
• Lowri Lloyd-Hughes, Uwch Ysgrifennydd Preifat i'r Cwnsler Cyffredinol
• Adam Turbervill, Gwasanaethau Cyfreithiol
• Merisha Weeks, Polisi Cyfiawnder
• Tony Jones, Polisi Cyfiawnder
• Andrew Felton, Polisi Cyfiawnder
• Fiona Green, Polisi Cyfiawnder
• James Searle, Diogelwch Cymunedol

Mynychwr allanol

• Y Fonesig Vera Baird CB, Cynghorydd Arbenigol Annibynnol ar Ddatganoli Cyfiawnder 

1.1 Cyflwynodd y Cwnsler Cyffredinol a Gweinidog y Cyfansoddiad yr eitem a gofynnodd i James Gerard gyflwyno'r wybodaeth ddiweddaraf am weithgarwch i baratoi ar gyfer datganoli cyfiawnder ieuenctid, y gwasanaeth prawf a phlismona ac effaith datblygiadau diweddar.

1.2 Roedd y Comisiwn Annibynnol ar Ddyfodol Cyfansoddiadol Cymru wedi cyflwyno adroddiad yn ddiweddar ac yn fwyaf nodedig nid oedd y grŵp wedi cael unrhyw dystiolaeth argyhoeddiadol i wrthddweud casgliadau Comisiwn Thomas y dylai cyfiawnder a phlismona gael eu datganoli i'r Senedd a Llywodraeth Cymru.

1.3 Roedd yr adroddiad yn nodi hefyd y gellid cyflawni datganoli heb aflonyddwch mawr, drwy raglen waith a arweinir ar y cyd gan Lywodraethau'r DU a Chymru, a fyddai'n cael y dasg o gytuno ar amserlen a chynllun gweithredu, a fyddai'n debygol o gymryd rhyw 10 mlynedd i'w gyflawni. Y gwasanaethau mwyaf syml i ddechrau'r broses ddatganoli fyddai plismona, cyfiawnder ieuenctid a'r gwasanaeth prawf.

1.4 Roedd Cymdeithas y Cyfreithwyr yn ymgynghori â'i haelodaeth ar ei gweledigaeth ar gyfer 2030 i'r sector cyfiawnder a chyfreithiol yng Nghymru, ac roedd Llywodraeth Cymru yn parhau i weithio gyda Chanolfan Troseddu a Chyfiawnder Cymdeithasol Cymru a'r undebau llafur cyfiawnder, ac roedd pob un o blaid datganoli pellach.

1.5 Byddai rhaglen waith yn ymwneud â chyfiawnder ieuenctid, y gwasanaeth prawf, plismona a gweithgarwch cyfathrebu ac ymgysylltu drwy gydol 2024.

1.6 Croesawyd y gwaith sylweddol sydd wedi'i wneud i symud tuag at ddatganoli cyfiawnder gan yr Is-bwyllgor.

Ysgrifenyddiaeth y Cabinet 
Chwefror 2024