Mewngofnodi gyda chod dilysu untro ar gyfer Treth Trafodiadau Tir

Bydd angen cod dilysu arnoch i gael mynediad i'ch cyfrif TTT. Bydd cod yn cael ei e-bostio atoch ac mae'n rhan o wella diogelwch eich cyfrif.

Sut i fewngofnodi gyda chod dilysu

• Ewch i ffeilio TTT ar-lein.
• Rhowch eich cyfeiriad e-bost a'ch cyfrinair.
• Unwaith y bydd eich manylion wedi'u dilysu, bydd cod dilysu untro’n cael ei e-bostio i'r cyfeiriad e-bost y defnyddioch chi i fewngofnodi.
• Chwiliwch am e-bost oddi wrth Microsoft (a anfonwyd ar ran Awdurdod Cyllid Cymru) am y cod dilysu.
• Rhowch y cod ar eich tudalen mewngofnodi a dewiswch dilysu cod. Os yw'r cod yn gywir, bydd neges yn eich annog i ddewis parhau a byddwch yn cael eich mewngofnodi i'ch cyfrif. 

Mae'r cod yn ddilys am 10 munud ar ôl iddo gael ei anfon. Bydd angen cod newydd arnoch bob tro y byddwch yn mewngofnodi neu'n ailgychwyn eich porwr.

Diogelwch ychwanegol gyda chod dilysu

Mae cod dilysu untro yn gwella diogelwch eich cyfrif am ei fod yn:

• sicrhau mai dim ond defnyddwyr sydd wedi’u hawdurdodi sy'n gallu cael mynediad i'r cyfrif
• defnyddio cyfrinair a chod dilysu untro i brofi eich bod wedi’ch awdurdod i gael mynediad i'r cyfrif
• sicrhau bod gennych eich manylion mewngofnodi eich hun (gan gynnwys ar gyfer cyfrif a rennir), gan fod rhannu manylion mewngofnodi yn peryglu diogelwch

Datrys problemau 

• Chwiliwch yn eich ffolder sbam neu sothach os nad ydych wedi derbyn e-bost yn cynnwys y cod dilysu. Ychwanegwch msonlineservicesteam@microsoftonline.com at eich rhestr e-byst diogel. Os ydych yn dal i gael problemau, cysylltwch â'ch tîm TG.
• Os yw eich cod wedi dod i ben neu'n anghywir, gofynnwch am god newydd drwy ddefnyddio’r ddolen ar y dudalen mewngofnodi.

Cymorth

Os oes gennych unrhyw ymholiadau neu os oes angen help arnoch, cysylltwch â ni.