Cyfarfod y Cabinet: 11 Rhagfyr 2023

• Y Gwir Anrh. Mark Drakeford AS (Cadeirydd)
• Rebecca Evans AS
• Vaughan Gething AS
• Lesley Griffiths AS
• Jane Hutt AS
• Julie James AS
• Jeremy Miles AS
• Eluned Morgan AS
• Mick Antoniw AS
• Hannah Blythyn AS
• Dawn Bowden AS
• Julie Morgan AS
• Lynne Neagle AS

Ymddiheuriadau

• Lee Waters AS

Swyddogion

• Andrew Goodall, yr Ysgrifennydd Parhaol
• Des Clifford, Cyfarwyddwr Swyddfa’r Prif Weinidog
• Rebecca Dunn, Pennaeth Is-adran y Cabinet
• Toby Mason, Pennaeth Cyfathrebu Strategol
• Jane Runeckles, Cynghorydd Arbennig
• Madeleine Brindley, Cynghorydd Arbennig
• Alex Bevan, Cynghorydd Arbennig
• Daniel Butler, Cynghorydd Arbennig
• Ian Butler, Cynghorydd Arbennig
• Kate Edmunds, Cynghorydd Arbennig
• Sara Faye, Cynghorydd Arbennig
• Sam Hadley, Cynghorydd Arbennig
• David Hooson, Cynghorydd Arbennig
• Clare Jenkins, Cynghorydd Arbennig
• Owen John, Cynghorydd Arbennig
• Phillipa Marsden, Cynghorydd Arbennig
• Tom Woodward, Cynghorydd Arbennig
• Christopher W Morgan, Pennaeth Ysgrifenyddiaeth y Cabinet (cofnodion)
• Damian Roche, Ysgrifenyddiaeth y Cabinet
• Catrin Sully, Swyddfa’r Cabinet
• Kathryn Hallett, Swyddfa’r Prif Weinidog
• Helena Bird, Swyddfa’r Ysgrifennydd Parhaol
• Helen Lentle, Cyfarwyddwr Gwasanaethau Cyfreithiol
• Tracey Burke, Cyfarwyddwr Cyffredinol, Newid Hinsawdd a Materion Gwledig
• Jo-Anne Daniels, Cyfarwyddwr Cyffredinol, Addysg, Cyfiawnder Cymdeithasol a’r Gymraeg
• Reg Kilpatrick, Cyfarwyddwr Cyffredinol, Adfer wedi COVID a Llywodraeth Leol
• Tim Moss, Prif Swyddog Gweithredu
• Judith Paget, Cyfarwyddwr Cyffredinol Iechyd a Gwasanaethau Cymdeithasol
• Andrew Slade, Cyfarwyddwr Cyffredinol, yr Economi, y Trysorlys a’r Cyfansoddiad
• Rachel Garside-Jones, Cyfarwyddwr, Uned y Cytundeb Cydweithio (eitem 5)

1.1 Cymeradwyodd y Cabinet gofnodion y cyfarfodydd a gynhaliwyd ar 30 Tachwedd a 4 Rhagfyr.

Ffydd mewn Teuluoedd

2.1 Dywedodd y Prif Weinidog wrth y Cabinet ei fod wedi ymweld â Cwtch Mawr yn Abertawe y dydd Iau blaenorol, sef Aml-fanc cyntaf Cymru a sefydlwyd gan Ffydd mewn Teuluoedd. Cafodd y fenter ei modelu ar Aml-fanc a sefydlwyd yn Fife gyda chefnogaeth y cyn-Brif Weinidog, Gordon Brown. Roedd Ffydd mewn Teuluoedd yn gweithio gydag Amazon a manwerthwyr eraill i ddosbarthu nwyddau dros ben am ddim i bobl nad oeddent yn gallu eu fforddio.

2.2 Roedd y Llywodraeth wedi bod yn gweithio gyda Ffydd mewn Teuluoedd ar y prosiect hwn ers peth amser ac roedd wedi darparu cymorth ariannol cymedrol yn ddiweddar. Roedd yn bosibl iawn y gellid efelychu'r fenter mewn mannau eraill, gan ei bod yn helpu i gefnogi uchelgeisiau'r Llywodraeth a nodwyd yn y Strategaeth Tlodi Plant ddiwygiedig. Byddai’r Prif Weinidog a'r Gweinidog Cyfiawnder Cymdeithasol a'r Prif Chwip yn lansio Cwtch Mawr yn ffurfiol ganol mis Ionawr.

Yr Ymchwiliad COVID-19

2.3 Dywedodd y Prif Weinidog wrth y Cabinet y byddai Ymchwiliad Cyhoeddus COVID-19 yn rhoi diweddariad ar y dystiolaeth a ddarparwyd gan Lywodraeth Cymru y diwrnod canlynol.

Cyfarfod ag Arweinwyr Mosgiau

2.4 Dywedodd y Prif Weinidog wrth y Cabinet y byddai ef a'r Gweinidog Cyfiawnder Cymdeithasol a'r Prif Chwip yn cyfarfod ag arweinwyr Mosgiau ar ddydd Mercher yr wythnos honno.

Cyfarwyddwr y Gwasanaethau Cyfreithiol

2.5 Cofnododd y Prif Weinidog ei fod ef a'r Cabinet yn diolch i Helen Lentle, Cyfarwyddwr Gwasanaethau Cyfreithiol, a oedd yn ymddeol o Lywodraeth Cymru.

3.1 Nododd y Cabinet y bu un newid i Grid y Cyfarfodydd Llawn a oedd wedi'i ddosbarthu gyda'r papurau, sef bod y Gweinidog Iechyd a Gwasanaethau Cymdeithasol wedi newid pwnc ei datganiad llafar i fod yn ddiweddariad ar Wasanaethau Mamolaeth a Newyddenedigol Bwrdd Iechyd Prifysgol Bae Abertawe. Roedd amser pleidleisio wedi'i drefnu ar gyfer 5.10pm ddydd Mawrth a thua 6.25pm ddydd Mercher. Nid oedd dadl fer yr wythnos honno.

Ysgrifenyddiaeth y Cabinet
Rhagfyr 2023