Cyfarfod y Comisiwn Annibynnol ar Ddyfodol Cyfansoddiadol Cymru: 19 Ionawr 2023

Cyd-gadeiryddion

• Laura McAllister
• Rowan Williams

Aelodau'r Comisiwn

• Anwen Elias
• Miguela Gonzalez
• Lauren McEvatt
• Albert Owen
• Shavanah Taj
• Leanne Wood
• Panel Arbenigol
• Gareth Williams

Eitem 2

• Gwir Anrhydeddus Gordon Brown
• Yr Athro Jim Gallagher
• Scott Dickson

Eitem 3

• Darren Millar AS, Prif Chwip a Llefarydd yr Wrthblaid dros y Cyfansoddiad a Gogledd Cymru, Ceidwadwyr Cymreig

Ysgrifenyddiaeth

• Gareth Morgan, Dirprwy Gyfarwyddwr a Phennaeth Ysgrifenyddiaeth
• Heulwen Vaughan, Ysgrifennydd y Comisiwn
• Carys Evans, Cynghorydd
• Ruth Leggett, Pennaeth Cyfathrebu ac Ymgysylltu
• Tessa Hajilambi, Rheolwr Swyddfa
• Rod Hough, Rheolwr Swyddfa

Ymddiheuriadau

• Michael Marmot
• Philip Rycroft
• Kirsty Williams

1. Croesawodd y cyd-gadeiryddion y Comisiynwyr a thrafodwyd yr agenda.

2. Croesawodd y Cyd-gadeiryddion Gordon Brown, yr Athro Jim Gallagher a Scott Dickson.

3. Amlinellodd Gordon Brown gefndir ei adroddiad, a'i rôl ym mhroses llunio polisi'r Blaid Lafur.  Neges graidd oedd diwygio cyfansoddiadol fel mecanwaith ar gyfer sicrhau twf economaidd cryfach a mwy teg ar draws y DU.

4. O ran y setliad Cymreig, nododd yr adroddiad, mewn egwyddor, y gallai unrhyw faterion sydd wedi'u datganoli i'r Alban gael eu datganoli i Gymru.  Roedd yn nodi gwaith y Comisiwn Annibynnol mewn perthynas â chyfiawnder a phlismona.

5. Croesawodd y cyd-gadeiryddion Darren Millar MS, Prif Chwip a Llefarydd yr Wrthblaid dros y Cyfansoddiad a Gogledd Cymru, Ceidwadwyr Cymreig gan ei wahodd i amlinellu sylwadau ei blaid ar adroddiad interim y Comisiwn.

6. Teimlai Darren Millar fod yr adroddiad interim yn cynnwys amrywiaeth o safbwyntiau ledled Cymru. Roedd y Ceidwadwyr Cymreig yn credu mewn undeb cryf ac yn gwrthwynebu annibyniaeth, ond roeddent yn cydnabod bod sgwrs i'w chael, a dyna pam roedd ei blaid yn ymgysylltu â'r comisiwn.

7. Diolchodd y cyd-gadeiryddion i'r aelodau am eu cyfraniadau.