Data sy'n dangos y symudiadau tymor byr yn allbwn diwydiannau yn y sectorau cynhyrchu, adeiladu a gwasanaethau marchnad ar gyfer Gorffennaf i Fedi 2023.
Nid y datganiad diweddaraf yn y gyfres: Dangosyddion allbynnau tymor-byr
Mae’r amcangyfrifon yma yn cwmpasu’r cyfnod Gorffennaf i Medi 2023 ac amcangyfrifon blynyddol ar gyfer y cyfnod Hydref 2022 i Fedi 2023.
Gall amcangyfrifon ar gyfer chwarteri unigol amrywio, ac mae amcangyfrifon ar gyfer Cymru yn tueddu i fod yn fwy cyfnewidiol nag ar gyfer y DU, felly argymhellir ystyriaeth o dueddiadau a chymariaethau tymor hwy.
Ffigur 1: Dangosyddion allbynnau tymor-byr, Gorffennaf 2001 i Medi 2023
![](/sites/default/files/2024-02/ffigur-1-dangosyddion-allbynnau-tymor-byr-gorffennaf-2001-i-medi-2023.png)
Disgrifiad o Ffigur 1: Dengys y siart y gyfres amser ar gyfer mynegai cynhyrchu, adeiladu a gwasanaethau’r farchnad ers 2000. Y tueddiad ar y cyfan yw bod y mynegai gwasanaethau’r farchnad a chynhyrchu wedi cynyddu ers 2000, tra bo’r mynegai adeiladu wedi amrywio dros yr un cyfnod amser. Gwelwyd gostyngiad sylweddol ym mhob mynegai yn Chwarter 2 2020 yn sgil pandemig y coronafeirws, ond maent wedi adfer rhywfaint neu’n llwyr ers hynny.
Ffynhonnell: Dangosyddion allbynnau tymor-byr, Llywodraeth Cymru a Swyddfa Ystadegau Gwladol
Prif bwyntiau
Gostyngodd y Gwasanaethau Marchnad a Chynhyrchiad ar sail flynyddol a chwarterol, tra bod Adeiladu wedi gostwng dros y ddau gyfnod.
Mae hyn yn dilyn cyfnod o newid drwy gydol y pandemig coronafeirws (COVID-19) gyda’r gostyngiadau chwarterol mwyaf ar gofnod ym mis Ebrill i fis Mehefin 2020 (a oedd yn cynnwys rhan o gyfnod cychwynnol y cyfyngiadau symud) a'r cynnydd mwyaf dilynol a gofnodwyd yn ystod gorffennaf i Fedi 2020 (sy'n adlewyrchu llacio'r cyfyngiadau dros fisoedd yr haf).
Mynegai Gwasanaethau Marchnata
Mae'r duedd tymor-hir yn dangos gostyngiad o 0.5% yng Nghymru a chynnydd o 1.2% yn y DU yn y flwyddyn hyd at fis Medi 2023, o'i gymharu â'r deuddeg mis blaenorol.
Yng Nghymru, gwelwyd cynnydd mewn pump allan o’r naw mynegai diwydiant Gwasanaethau’r Farchnad dros y flwyddyn.
Mae’r Mynegai Gwasanaethau Marchnata ar gyfer Cymru yn dangos gostyngiad o 0.8% wrth gymharu’r chwarter cyfredol a’r un flaenorol. Gostyngodd allbwn y DU 0.4%, dros yr un cyfnod.
Mynegai Cynhyrchu
Mae'r duedd tymor-hir yn dangos gostyngiad o 2.3% ar gyfer Cymru a gostyngiad o 0.9% ar gyfer y DU yn y flwyddyn hyd at fis Medi 2023, o'i gymharu â'r deuddeg mis blaenorol.
Mae’r Mynegai Cynhyrchu ar gyfer Cymru yn dangos gostyngiad o 0.8% o’i gymharu â’r chwarter blaenorol. Cynyddodd allbwn y DU 0.1%, dros yr un cyfnod.
Mynegai Adeiladu
Mae'r duedd tymor-hir yn dangos cynnydd o 30.0% ar gyfer Cymru a chynnydd o 4.7% ar gyfer y DU yn y flwyddyn hyd at fis Medi 2023, o'i gymharu â'r deuddeg mis blaenorol.
Mae’r Mynegai Adeiladu ar gyfer Cymru yn dangos cynnydd o 4.8% wrth gymharu’r chwarter cyfredol â’r un blaenorol. Cynyddodd allbwn y DU 0.4% dros yr un cyfnod.
Dyfodol y Cyhoeddiad hwn
Ym mis Mai 2023 gwnaethom rannu ein cynlluniau i roi'r gorau i gyhoeddi'r datganiad hwn gan fod y Swyddfa Ystadegau Gwladol yn cyhoeddi data cynnyrch mewnwladol crynswth chwarterol (GDP) ar gyfer Cymru a rhanbarthau Lloegr. Fodd bynnag, mae'r SYG wedi cyhoeddi ers hynny eu bod wedi oedi eu cyhoeddiad GDP rhanbarthol chwarterol. O ganlyniad, byddwn yn parhau i gyhoeddi‘r dangosyddion allbynnau tymor-byr yma yn ystod y cyfnod hwn, er mwyn sicrhau nad oes bwlch yn argaeledd data economaidd i Gymru. Byddwn yn parhau i roi gwybod i ddefnyddwyr am ein cynlluniau.
Adroddiadau
![](/sites/default/files/styles/file_thumb/public/statistics-and-research-thumbs/Dangosyddion_allbynnau_tymor-byr__Gorffennaf_i_Fedi_2023.jpg?itok=WlZe-rg2)
Dangosyddion allbynnau tymor-byr, Gorffennaf i Fedi 2023 , Saesneg yn unig, math o ffeil: PDF, maint ffeil: 753 KB
Cyswllt
Cyfryngau
Rhif ffôn: 0300 025 8099
Rydym yn croesawu galwadau yn Gymraeg.