Gwariant sydd Wedi'i Gyllidebu ar gyfer darpariaeth Anghenion Addysgu Arbennig (AAA) a Anghenion Dysgu Ychwanegol (ADY): Ebrill 2024 i Fawrth 2025

Prif bwyntiau

• Mae cyfanswm y gwariant ar ddarpariaeth AAA/ADY wedi'i gyllidebu i fod yn £592 miliwn, cynnydd o £42.3 miliwn neu 7.7% o gymharu â'r flwyddyn flaenorol.
• Mae'r gwariant dirprwyedig i ysgolion arbennig yn cynrychioli 29% o gyfanswm y gwariant AAA/ADY sydd wedi’i gyllidebu. Mae dyraniadau tybiannol o fewn ysgolion meithrin, cynradd ac uwchradd yn cynrychioli 42% pellach o’r cyfanswm. Arian y mae awdurdodau lleol yn ei gadw'n ganolog yw'r 29% sy'n weddill.
• Sir Ddinbych sy'n dirprwyo'r gyfran fwyaf o’i chyllidebau AAA/ADY i ysgolion, sef 82%, a Merthyr Tudful sy'n dirprwyo'r gyfran leiaf, sef 49%.
• Cyfanswm y gwariant AAA/ADY sydd wedi’i gyllidebu ar gyfer pob disgybl yng Nghymru yw £1,306.  Mae’n cynnwys £921 o wariant dirprwyedig y disgybl a £385 y disgybl o wariant heb ei ddirprwyo.
• O ran gwariant AAA/ADY sydd wedi’i gyllidebu ar gyfer pob disgybl, Merthyr Tudful sydd â’r mwyaf, £1,796 y disgybl, a Sir Fynwy sydd â’r lleiaf, £987 y disgybl.