Arolygon deiliadaeth llety twristiaeth Cymru: Ionawr i Fawrth 2023

Mae'r adroddiad hwn am Ddeiliadaeth Llety yn rhoi gwybodaeth am lefelau deiliadaeth llety â gwasanaeth a llety hunanddarpar, yn ogystal â hosteli a safleoedd gwersylla/carafanio er nad oes data ar gael ar gyfer y sector gwersylla a charafanau yn yr adroddiad hwn gan fod y categori hwn yn amrywio yn ôl tymor. Ceir data trydydd parti hefyd gan Transparent (gosodiadau tymor byr), ac STR Global (cadwyni gwestai mawr).

Sector â gwasanaeth

• Cododd y ddeiliadaeth yn gyson yn ystod Chwarter 1. , a 59% oedd y ddeiliadaeth yn gyffredinol ym mis Mawrth. Gogledd Cymru a De-ddwyrain Cymru ar y blaen o ran deiliadaeth ystafelloedd.
• Mae deiliadaeth uwch mewn eiddo mwy, ac mae gwestai yn gwneud yn llawer gwell na thai gwestai / gwely a brecwast
• Mae data trydydd parti STR yn dangos mai gwestai 50 - 100 ystafell sy'n gwneud  orau o ran deiliadaeth.
• Mae data STR yn dangos cynnydd cyson mewn deiliadaeth, ac mae cymariaethau â 2022 hefyd yn dangos cynnydd o flwyddyn i flwyddyn ar gyfer pob mis.
• Cyrhaeddodd Cyfradd Ddyddiol Cyfartalog yn uwch flwyddyn ar ôl blwyddyn ar gyfer Ionawr a Chwefror, ond gostyngodd yn is na lefelau 2022 ym mis Mawrth. Mae RevPAR yn dangos patrwm tebyg.

Sector hunanddarpar

• Cododd y ddeiliadaeth fesul uned yn gyson bob mis (55% ym mis Mawrth) ond gostyngodd nifer y gwelyau ryw ychydig (roedd ar ei uchaf ym mis Chwefror ar 45%, a gostyngodd i 40% ym mis Mawrth). Yn rhanbarthol, roedd deiliadaeth yn Ne-orllewin Cymru ymhell ar y blaen i Ogledd, Canolbarth a De-ddwyrain Cymru.
• Llwyddodd busnesau sy'n rhan o asiantaeth neu grŵp i lenwi 64% o'u hystafelloedd - sy'n sylweddol uwch na busnesau annibynnol (27%).
• Mae data trydydd parti Transparent yn dangos bod deiliadaeth mewn mannau gosod tymor byr yn amrywio ryw ychydig o fis i fis a'i bod yn gyson is na lefelau 2022 am yr un cyfnod ar draws pob rhanbarth.

Sector hosteli

• Dangosodd y sector hosteli gynnydd o fis i fis o ran deiliadaeth (41% ym mis Mawrth) a nodwyd yma lefelau ychydig yn is, ond tebyg i sectorau eraill.

Sector gwersylla a charafanau

• Gan eu bod ar gau ar adegau penodol, ni ofynnwyd i safleoedd gwersylla a charafanau am deiliadaeth yn ystod y cyfnod hwn.