Adroddiad ar gyfraddau cwblhau a llwyddo dysgwyr ar raglenni galwedigaethol, rhaglenni addysg gyffredinol (gan gynnwys Safon Uwch) a Bagloriaeth Cymru ar gyfer Awst 2022 i Orffennaf 2023.
Dyma'r datganiad diweddaraf yn y gyfres: Mesurau perfformiad cyson ar gyfer dysgu ôl-16 (cyflawniad)
Gwybodaeth am y gyfres:
Diwygiwyd y tablau sy'n ategu'r adroddiad hwn ar 21 Mawrth 2024. Cyfrifwyd y gyfradd basio ar gyfer y tablau "Mesurau cyflawniad cyrsiau ac eithrio Safon Uwch" yn anghywir, ac roedd problem gyda rhai o ganrannau Bagloriaeth Cymru 2021/22.
Mae'r adroddiad hwn yn ymdrin â deilliannau ar gyfer addysg gyffredinol ac addysg alwedigaethol yn y chweched dosbarth ac mewn colegau.
Addysg gyffredinol (Safon Uwch)
- Roedd y deilliannau o ran graddau yn fras hanner ffordd rhwng 2018/19 a 2021/22, fel y cynlluniwyd.
- Aeth llai o ddysgwyr ymlaen i'w hail flwyddyn Safon Uwch a chwblhaodd llai o ddysgwyr eu Safon Uwch o'i gymharu â 2021/22.
- Mae'n bosibl bod y gostyngiad yn nifer y dysgwyr ddechreuodd eu hail flwyddyn o Safon Uwch yn rhannol oherwydd y gostyngiad mewn graddau UG, gyda dysgwyr nad oeddent yn llwyddo i gael 3 lefel UG yn llawer llai tebygol o barhau.
- Aeth 52% o ddysgwyr UG benywaidd ymlaen i gael tair gradd C Safon Uwch, o'i gymharu â 42% o ddysgwyr gwrywaidd.
- Aeth 49% o ddysgwyr UG 16 oed ymlaen i gael tair gradd C Safon Uwch, o'i gymharu â 21% o ddysgwyr hŷn.
- Roedd dysgwyr o gefndiroedd difreintiedig yn llai tebygol o gwblhau eu Safon Uwch ac yn llai tebygol o gael graddau uchel pe baent yn gwneud hynny.
- Crebachodd y bwlch mewn graddau ar sail amddifadedd yn 2022/23, ond ehangodd y bwlch o ran cyfraddau cwblhau.
- Roedd deilliannau Safon Uwch dysgwyr o gefndiroedd Du, Affricanaidd, Caribïaidd, Du Prydeinig neu Ddu Cymreig yn is na grwpiau ethnig eraill, gan gynnwys gostyngiad mawr yn y nifer oedd yn eu cwblhau.
- Dechreuodd yr anghydraddoldeb o ran deilliannau i ddysgwyr o gefndiroedd Du, Affricanaidd, Caribïaidd, Du Prydeinig neu Ddu Cymreig cyn addysg ôl-16 pan, o gymharu â dysgwyr â chymwysterau TGAU tebyg, llwyddodd dysgwyr o'r cefndiroedd hyn i gyflawni deilliannau uwch na'r cyfartaledd.
- Roedd y gwahaniaethau rhwng grwpiau ethnig yn lleihau yn gyffredinol ar gyfer dysgwyr addysg alwedigaethol a chyffredinol.
Addysg alwedigaethol
- Mae deilliannau galwedigaethol yn gwella ers y gostyngiad adeg y pandemig coronafeirws (COVID-19), ond yn gyffredinol maent wedi aros yn is na'r lefelau cyn y pandemig.
- Gwelwyd llai o ddysgwyr galwedigaethol yn peidio â chwblhau eu rhaglenni oherwydd 'rhesymau personol', a mwy yn peidio â chwblhau oherwydd eu bod yn 'Methu'.
- Dirywiodd y deilliannau ar gyfer rhaglenni Mynediad at Addysg Uwch, yn wahanol i raglenni eraill.
- Roedd deilliannau dysgwyr galwedigaethol â phrofiadau o amddifadedd yn is na'r rhai na rhai pobl eraill, ond nid oedd y berthynas mor gryf â'r hyn welwyd mewn addysg gyffredinol.
Bagloriaeth Cymru
- Gostyngodd deilliannau Bagloriaeth Cymru ar gyfer dysgwyr addysg gyffredinol, ond roeddent yn parhau i fod yn uwch na'r lefelau cyn y pandemig.
- Parhawyd i weld deilliannau is i ddysgwyr galwedigaethol na dysgwyr addysg gyffredinol, ond roedd y bwlch yn crebachu.
Adroddiadau
Mesurau perfformiad cyson ar gyfer dysgu ôl-16 (cyflawniad): Awst 2022 i Orffennaf 2023 , math o ffeil: PDF, maint ffeil: 1 MB
PDF
1 MB
Os oes angen fersiwn fwy hygyrch o’r ddogfen hon arnoch, e-bostiwch digidol@llyw.cymru. Dywedwch wrthym pa fformat sydd ei angen. Os ydych yn defnyddio technoleg gynorthwyol, nodwch fanylion.
Data
Setiau data ac adnoddau rhyngweithiol
Mesurau perfformiad cyson ar gyfer dysgu ôl-16 (cyflawniad): Awst 2022 i Orffennaf 2023 (diwygiwyd) , math o ffeil: ODS, maint ffeil: 395 KB
ODS
395 KB
Os oes angen fersiwn fwy hygyrch o’r ddogfen hon arnoch, e-bostiwch digidol@llyw.cymru. Dywedwch wrthym pa fformat sydd ei angen. Os ydych yn defnyddio technoleg gynorthwyol, nodwch fanylion.