Mae dau ffrind wnaeth osgoi damwain car ddifrifol trwy feddwl yn gyflym a perchennog gwasanaeth gwallt gosod i gleifion sy'n colli eu gwallt, ymhlith y rhai sydd ar y rhestr fer ar gyfer Gwobrau Dewi Sant eleni.
![](/sites/default/files/styles/600x400/public/announcements/2023-03/sda-2023-press-thumb_0.jpg?itok=Y4fUKoj4)
Gwobrau Dewi Sant yw gwobrau cenedlaethol Cymru sy’n cydnabod pobl sydd wedi gwneud pethau eithriadol.
Mae’r gwobrau eleni'n dathlu pobl sydd wedi’u henwebu gan y cyhoedd mewn naw categori gwahanol, gan gynnwys dewrder, busnes ac ysbryd cymunedol. Bydd gwobr arbennig hefyd yn cael ei rhoi gan y Prif Weinidog Mark Drakeford.
Wrth gyhoeddi'r rhestr fer, dywedodd Prif Weinidog Cymru, Mark Drakeford:
"Hoffwn ddiolch i bawb a roddodd o'u hamser i enwebu rhywun am wobr a llongyfarch pawb sydd wedi cyrraedd y rhestr fer ar gyfer 10fed digwyddiad blynyddol Gwobrau Dewi Sant.
"Rwy'n falch o ddathlu 10fed blwyddyn y gwobrau a’r unigolion anhygoel yn ein rownd derfynol eleni, rhai sydd wedi dangos dewrder a phenderfyniad eithriadol. Rydyn ni'n ffodus iawn eu bod nhw’n byw yma yng Nghymru."
Bydd yr enillwyr yn cael eu cyhoeddi mewn seremoni yng Ngholeg Brenhinol Cerdd a Drama Cymru yng Nghaerdydd ar 20 Ebrill 2023.
Y rhai sydd wedi cyrraedd y rownd derfynol yw:
Dewrder
- Dylan Pritchard Evans a Hari Thomas
- Gary Griffiths a Jon Stone
Busnes
- Câr y Môr
- Morgan’s Wigs
- Rod Parker
Ysbryd y Gymuned
- Caroline Bridge
- Mollie Roach
- Nawdd De Cymru i Wcráin
Gweithiwr Hanfodol
- Nia Bannister
- Tîm Lleihau Niwed yn yr Huggard
- Muslim Doctors Cymru
- Dr Mark Taubert
Diwylliant
- Dafydd Iwan
- Oriel Elysium
- Jannat Ahmad
- Prosiect Unify
Pencampwr yr Amgylchedd
- Andy Rowland
- Prosiect Maelgwn
- Ynni Adnewyddol Cwm Arian/ Cwm Arian Renewable Energy
Arloesedd, Gwyddoniaeth a Thechnoleg
- CanSense
- Dr Charles Willie
- Kamal Ali
Chwaraeon
- Liam Davies
- Olivia Breen
- Tîm pêl-droed Cymru
Person Ifanc
- Kai Hamilton-Frisby
- Skye Neville
- Zinzi Sibanda