Cytunodd Gweinidog yr Economi i ailbenodi 2 Aelod i Fwrdd (CCDG) (Gyrfa Cymru).
Enw’r ymgeiswyr llwyddiannus a’u sefydliad
- Richard Thomas
- David Hagendyk, Prif Weithredwr, ColegauCymru
Disgrifiad o’r rôl a’r sefydliad
Mae Career Choices Dewis Gyrfa (CCDG), sy’n gweithredu o dan enw Gyrfa Cymru, yn is-gorff ym mherchnogaeth llwyr Llywodraeth Cymru sy’n darparu gwybodaeth, cyngor a chanllawiau ar yrfaoedd yng Nghymru sy’n ddiduedd, yn ddwyieithog ac ar gyfer pob oedran.
Mae Gyrfa Cymru'n cefnogi cwsmeriaid i fod yn fwy effeithiol wrth gynllunio a rheoli eu gyrfaoedd, gan gydnabod nad yw rheoli gyrfa bellach yn golygu dewis un yrfa yn unig, ond yn hytrach ddilyn llwybr gyrfa o wahanol swyddi ar hyd eich oes. Drwy wella sgiliau a chymwyseddau rheoli gyrfa, gall cwsmeriaid drosglwyddo o un swydd i un arall yn rhwyddach, mwynhau lefel uwch o foddhad o ran gyrfa, a chwarae rhan fwy gweithgar yn yr economi.
Ym mis Ebrill 2021, lansiodd Gyrfa Cymru eu gweledigaeth bum mlynedd, ‘Dyfodol Disglair’. Mae gan ‘Dyfodol Disglair’ yr uchelgais o greu dyfodol gwell i’r holl bobl ifanc ac oedolion yng Nghymru.
Dyma rôl y bwrdd:
- darparu arweinyddiaeth effeithiol; datblygu cyfeiriad strategol a gosod nodau heriol
- hyrwyddo safonau uchel o gyllid cyhoeddus a chynnal egwyddorion rheoleidd-dra, priodoldeb a gwerth am arian
- sicrhau bod gweithgareddau CCDG yn cael eu gweithredu’n effeithiol ac yn effeithlon, a
- monitro perfformiad i sicrhau bod CCDG yn ysgwyddo'i ddyletswyddau, amcanion, nodau a thargedau perfformiad statudol yn llawn.
Math o benodiad neu estyniad i benodiad
Cytunodd Gweinidog yr Economi i ailbenodi 2 Aelod i Fwrdd (CCDG) (Gyrfa Cymru).
3 blynedd yw hyd y swydd.
Nid yw Aelodau Bwrdd CCDG yn gyflogai i’r cwmni na Llywodraeth Cymru ac maent yn gwasanaethu yn ddi-dal ac yn wirfoddol.
Gwneir y penodiad hwn yn unol â’r Cod Llywodraethu ar Benodiadau Cyhoeddus.
Gweithgareddau gwleidyddol
Cyn hyn, roedd David Hagendyk yn gweithredu fel asiant gwleidyddol i Hefin David AS.
Gwneir pob penodiad ar sail teilyngdod ac nid oes gan weithgareddau gwleidyddol ddim i’w wneud â’r broses ddethol.