Llythyr ac ymateb ynghylch bwriad i ddeddfu er mwyn gohirio cyflwyno gwiriadau SPS ar rai nwyddau o’r UE.
Dogfennau
Diwygiadau i reolau ynghylch gwiriadau iechydol a ffytoiechydol (SPS) mewn perthynas â mewnforion o nwyddau o’r UE sy’n teithio i Gymru o Weriniaeth Iwerddon , math o ffeil: PDF, maint ffeil: 310 KB
Ymgynghoriad ar y diwygiadau i reolau ynghylch archwiliadau iechydol a ffytoiechydol (SPS) ar fewnforion cynhyrchion o’r UE: crynodeb ac ymateb y llywodraeth , math o ffeil: PDF, maint ffeil: 167 KB
Manylion
Cyhoeddodd Llywodraeth Cymru ymgynghoriad rhwng 27 Hydref a 11 Tachwedd 2022 yn gofyn am farn cyrff a phersonau sy’n cynrychioli buddiannau’r rhai sy’n ymwneud â mewnforio cynhyrchion SPS i Gymru ar gynigion i ddiwygio’r rheolau
- estyn y cyfnod pontio fel na fydd rhagor o fesurau rheoli SPS sydd i fod i ddod i rym ym mis Ionawr 2023 yn cael eu cyflwyno hyd 31 Ionawr 2024.
- i gael gwared ar yr eithriad ar y gofyniad i rag-hysbysu ar rai categorïau ychwanegol o gynhyrchion SPS a fewnforir o Weriniaeth Iwerddon o 1 Ionawr 2023.
Mae dogfen crynodeb o’r ymatebion ar gael ar y dudalen hon.
Rydym wedi gwrando'n ofalus ar yr adborth, yn enwedig y pryderon a leisiwyd gan randdeiliaid ynghylch yr amser sydd ar gael cyn 1 Ionawr 2023 i baratoi. Felly, rydym wedi penderfynu gohirio cyflwyno gofyniad i raghysbysu tan yn ddiweddarach yn 2023. Ar ôl ystyried yr holl ymatebion i'r ymgynghoriad, rydym hefyd wedi ymestyn y cyfnod graddoli trosiannol tan 31 Ionawr 2024.