Sut rydym yn newid rôl porthladdoedd yn yr economi, wrth gefnogi gwaith teg a'r newid i sero net.
Mae’r Rhaglen Porthladdoedd Rhydd yng Nghymru yn cynnig cyfle i harneisio potensial economaidd toreithiog Cymru.
Buom yn gweithio gyda Llywodraeth y DU i ddylunio model porthladdoedd rhydd, sy'n cyflawni tri prif amcan:
- Hyrwyddo adfywio a chreu swyddi o ansawdd uchel
- Sefydlu'r Porthladdoedd Rhydd fel canolfannau cenedlaethol ar gyfer masnach a buddsoddiad byd-eang ar draws yr economi
- Meithrin amgylchedd arloesol
Yn gyfnewid am hyn, bydd busnesau'n elwa o fod yn rhan o barth arbennig. Mae hyn yn cynnwys:
- gweithdrefnau tollau symlach
- rhyddhad ar dollau tramor
- buddion treth
Mae'r rhaglen yn cynnwys ein polisïau ar waith teg a phartneriaeth gymdeithasol i sicrhau bod gweithwyr:
- yn cael eu gwobrwyo'n deg, eu clywed a'u cynrychioli
- yn gallu symud ymlaen mewn amgylchedd gweithio diogel, iach, a chynhwysol
- fod eu hawliau'n cael eu parchu
Mae'n rhaid i borthladd rhydd yng Nghymru weithredu o fewn:
- Deddf Llesiant Cenedlaethau'r Dyfodol (Cymru) 2015
- ymrwymiadau sero net Llywodraeth Cymru
Canlyniad cystadleuaeth Rhaglen Freeport yng Nghymru
Ar 23 Mawrth 2023, cyhoeddodd llywodraethau'r DU a Chymru fod Porthladd Rhydd Ynys Môn a Phorth Rhydd wedi bod yn llwyddiannus yn eu ceisiadau i sefydlu porthladdoedd Rhydd newydd. Byddant nawr yn symud i gam nesaf y broses.
Gweler y cyhoeddiad: Datgelu Porthladdoedd Rhydd newydd Cymru
Darganfod mwy am y broses ymgeisio: Rhaglen Freeport yng Nghymru: prosbectws cynnig
Canllawiau Porthladdoedd Rhydd yng Nghymru
Rydym yn gweithio gyda’r porthladdoedd rhydd arfaethedig er mwyn sicrhau:
- eu bod yn cael effaith gadarnhaol
- eu bod yn gallu dechrau gweithredu cyn gynted â phosibl
Mae’r canllaw hwn yn egluro’r camau y mae’n rhaid iddynt eu dilyn i ddechrau gweithredu: Y Rhaglen Porthladdoedd Rhydd yng Nghymru: canllawiau’r cam sefydlu a chyflawni.
Rydym wedi cyhoeddi canllawiau ar gadw ardrethi annomestig a rhyddhad ardrethi annomestig.
Cysylltwch â ni
Os oes gennych unrhyw gwestiynau, cysylltwch â Porthladdrhydd@llyw.cymru