Presenoldeb disgyblion mewn ysgolion a gynhelir: 5 Medi i 7 Hydref 2022

Mae’r pennawd hwn yn cyflwyno gwybodaeth am bresenoldeb disgyblion mewn ysgolion yn ystod y flwyddyn academaidd gyfredol.

Yr wythnos hon rydym wedi ychwanegu dadansoddiad ychwanegol fesul awdurdod lleol, rhyw, grŵp blwyddyn, cymwys i gael prydau ysgol am ddim a’r rheswm dros absenoldeb.

Mae’r holl ddata yn y pennawd hwn yn seiliedig ar y diffiniad o bresenoldeb a oedd yn cael ei ddefnyddio ac a gyhoeddwyd cyn y pandemig coronafeirws (COVID-19). Nid oes modd cymharu’r data yma â’r data a gyhoeddwyd yn ystod y pandemig ar gyfer 2020/21 a 2021/22. Am ragor o fanylion gweler yr adran ansawdd a'r daenlen sy'n cyd-fynd â hi.

Prif bwyntiau

• Roedd cyfartaledd o 90.7% o sesiynau hanner diwrnod wedi’u cofnodi yn bresennol ar gyfer disgyblion 5 i 15 oed yn ystod yr wythnos 3 i 7 Hydref 2022, i fyny o 90.3% yr wythnos flaenorol. Mae’r ffigwr dros yr wythnos 26 i 30 Medi 2022 wedi’i ddiwygio i lawr o 90.4%. Mae'r data dros dro ar gyfer y pythefnos diwethaf.
• Mae cyfartaledd presenoldeb dros y flwyddyn adacemaidd hyd yn hyn yn 91.6%.
• Roedd cyfartaledd o 6.3% o sesiynau hanner diwrnod wedi’u cofnodi fel absenoldeb  awdurdodedig ar gyfer disgyblion 5 i 15 oed yn ystod yr wythnos 3 i 7 Hydref 2022, i lawr o 6.9% yr wythnos flaenorol.
• Roedd cyfartaledd o 3.0% o sesiynau hanner diwrnod wedi’u cofnodi fel absenoldeb  heb awdurdod ar gyfer disgyblion 5 i 15 oed yn ystod yr wythnos 3 i 7 Hydref 2022, i fyny o 2.8% yr wythnos flaenorol.
• Ychydig o wahaniaeth sydd wedi bod hyd yma yn y gyfradd presenoldeb yn ôl rhyw ar gyfer y flwyddyn academaidd, gyda 91.7% ar gyfer bechgyn a 91.6% ar gyfer merched.
• Mae’r gyfradd presenoldeb yn ôl grŵp blwyddyn ar gyfer y flwyddyn academaidd hyd yma wedi bod ar ei uchaf ym mlwyddyn 7 (94.0%) ac a rei isaf ym mlwyddyn 11 (87.5%).
• Mae’r gyfradd presenoldeb ar gyfer y flwyddyn academaidd hyd yma wedi bod yn uwch ar gyfer disgyblion sydd ddim yn gymwys am PYD (93.2%) na disgyblion sydd yn gymwys am PYD (87.4%).(r)
• Y rheswm mwyaf cyffredin dros absenoldeb ar gyfer y flwyddyn academaidd hyd yma yw salwch, gyda 47.0% o sesiynau wedi'u methu oherwydd y rheswm hyn.

(r) Adolygwyd fersiwn Gymraeg y pwynt bwled hwn ar 3 Tachwedd 2022.

Ansawdd

Mae'r data hwn yn wybodaeth reoli a dynnir o systemau gwybodaeth rheoli ysgolion unwaith yr wythnos. Nid yw'r data hwn wedi cael yr un lefel o sicrwydd ansawdd ag ystadegau swyddogol a gall y data gael ei ddiwygio yn y dyfodol. Dylai'r ffigurau ar gyfer y pythefnos diweddaraf gael eu trin fel rhai dros dro. Mae'r ffigurau cynharach yn derfynol ac ni allant newid.

Mae’r holl ddata yn y pennawd hwn yn seiliedig ar y diffiniad o bresenoldeb a oedd yn cael ei ddefnyddio ac a gyhoeddwyd cyn y pandemig coronafeirws (COVID-19). Nid oes modd cymharu’r data yma â’r data a gyhoeddwyd yn ystod y pandemig ar gyfer 2020/21 a 2021/22.

Y prif wahaniaethau mewn diffiniadau

• Cyflwynir data fel canran y sesiynau hanner diwrnod a gollwyd yn hytrach na chanran y disgyblion sy'n absennol.
• Mae'r data ar gyfer disgyblion o oedran ysgol statudol yn unig (5 i 15 oed) yn hytrach na data ar gyfer pob oedran.
• Mae'r data ar gyfer disgyblion mewn ysgolion cynradd, canol, uwchradd ac arbennig yn unig ac nid yw'n cynnwys data ar gyfer ysgolion meithrin nac unedau cyfeirio disgyblion.
• Mae Cod Y (cau rhannol a gorfodol) bellach yn cael ei gyfrif fel "dim angen mynychu" yn hytrach nag 'absennol'.

Cymharoldeb

Mae'r 4 gwlad yn cyhoeddi data rheolaidd ar bresenoldeb yn yr ysgol. Nid ydym yn cynghori gwneud cymariaethau rhwng y cenhedloedd oherwydd gwahaniaethau mewn dulliau casglu data a chyflwyniad a diffiniadau.

Statws Ystadegau Gwladol

Nid yw’r ystadegau hyn yn Ystadegau Gwladol. Cynhyrchwyd yr ystadegau hyn yn gyflym mewn ymateb i ddatblygiadau cenedlaethol a lleol.