Darganfyddwch sut y byddwn yn cyflwyno prydau ysgol am ddim i holl blant Ysgolion Cynradd yng Nghymru.
Cynnwys
Trosolwg
Bydd pob plentyn ysgol gynradd yng Nghymru nawr yn gallu cael mynediad at Brydau Ysgol am ddim i holl blant Ysgolion Cynradd.
Mae’r ymrwymiad hwn mewn ymateb i’r pwysau cynyddol o ran costau byw ar deuluoedd a’n huchelgeisiau cyffredin o:
- mynd i'r afael â thlodi plant
- sicrhau nad oes unrhyw blentyn yn mynd heb fwyd yn yr ysgol
Mae manteision ehangach hefyd i brydau ysgol am ddim, gan gynnwys:
- hyrwyddo bwyta'n iach ar draws yr ysgol
- cynyddu'r amrywiaeth o ddewisiadau bwyd
- gwella sgiliau cymdeithasol amser bwyd
- gwella ymddygiad a chyrhaeddiad
Ni fydd hyn yn effeithio ar blant hŷn sy’n derbyn neu’n gymwys i wneud cais am brydau ysgol am ddim ar hyn o bryd.
Cofrestru ar gyfer prydau ysgol am ddim i bawb
Efallai y gofynnir i chi gofrestru eich plentyn ar gyfer prydau ysgol am ddim i bawb.
Bydd hyn yn galluogi ysgol eich plentyn i gyfri cyfanswm nifer cynyddol y plant sydd angen prydau bwyd. Dylai ysgol neu awdurdod lleol eich plentyn roi rhagor o wybodaeth i chi am hyn. Ni fydd hyn yn effeithio ar fudd-daliadau cysylltiedig eraill.
Cysylltwch â'ch awdurdod lleol am ragor o wybodaeth.
Cymorth ychwanegol
Hyd yn oed os yw'ch plentyn eisoes yn derbyn Prydau Ysgol am ddim i holl blant Ysgolion Cynradd, mae angen i chi wirio a ydych yn gymwys i gael gafael ar gymorth ehangach. Gallech gael hyd at £200 drwy'r Grant Hanfodion Ysgol a chyllid ychwanegol ar gyfer eich ysgol.