Digartrefedd: Ebrill 2021 i Fawrth 2022

Prif bwyntiau

Gall amrywiadau chwarterol a ffactorau tymhorol megis gwyliau a’r tywydd effeithio ar y data. Nid yw’r ystadegau yma yn cael eu haddasu yn dymhorol.

Aelwydydd mewn perygl o fod yn ddigartref

Image

• Roedd 9,228 o aelwydydd mewn perygl o fod yn ddigartref, cynydd o 27% ers 2020-21.
• Llwyddwyd i atal digartrefedd am o leiaf 6 mis mewn 67% o achosion.

Atal digartrefedd yw pan fo awdurdod lleol yn cymryd camau cadarnhaol i ddarparu cymorth tai i rywun y mae'r awdurdod o'r farn ei fod mewn perygl o fod yn ddigartref o fewn 56 diwrnod.

Aelwydydd digartref a bod dyletswydd i’w cynorthwyo i ganfod llety

Image

• Cafodd 11,704 o aelwydydd eu hasesu yn digartref a lle roedd dyletswydd i’w helpu i gael llety, I lawr 11% ers 2020-21.
• Cafodd 34% eu cynorthwyo yn llwyddiannus i ganfod llety.

Yn dilyn hysbysiad bod ymgeisydd yn ddigartref, bydd yr awdurdod lleol o dan ddyletswydd (adran 73) i gymryd camau rhesymol i helpu i sicrhau llety.

Aelwydydd digartref oedd yn anfwriadol ddigartref a’u bod mewn angen oedd yn flaenoriaeth

Image

• Roedd 4,085 o aelwydydd digartref yn anfwriadol ddigartref ac mewn angen oedd yn flaenoriaeth, cynydd o 8% ers 2020-21.
• Derbyniodd 69% o aelwydydd gynnig o lety sefydlog, addas.

Os yw'r aelwyd yn ddigartref, bod ganddi angen blaenoriaethol a'i bod yn ddigartref yn anfwriadol, bydd yr awdurdod lleol o dan ddyletswydd i sicrhau llety addas.

Llety dros dro

• Ar 31 Mawrth 2022, roedd 4,465 o aelwydydd mewn llety dros dro, cynydd o 20% ers Mawrth 2021.
• Ar 31 Mawrth 2022, roedd 1,689 o aelwydydd mewn llety gwely a brecwast dros dro, cynydd o 15% ers Mawrth 2021.

Daeth mesurau cyfnod clo cenedlaethol i rym ar 23 Mawrth 2020, sydd wedi effeithio ar gyfanswm yr aelwydydd mewn llety dros dro ar 31 Mawrth 2022.

Nid oedd un awdurdod lleol yn gallu darparu’r nifer o aelwydydd mewn llety dros dro, felly cynyddwyd ffigwr y flwyddyn flaenorol gan y newid o flwyddyn i flwyddyn i Gymru (gan eithrio'r awdurdod lleol hwn).

Gwybodaeth bellach

Ceir gwybodaeth bellach yn yr Adroddiad ansawdd.