Cyfraddau casglu'r Dreth Gyngor: Ebrill 2021 i Fawrth 2022

Prif bwyntiau

• Yn 2021-22, casglwyd 96.3% o filiau'r dreth gyngor gan awdurdodau bilio, cynnydd o 0.6 pwynt canran.
• Cofnododd y rhan fwyaf o awdurdod gynnydd o flwyddyn i flwyddyn yn eu cyfradd gasglu yn 2021-22 yn bennaf oherwydd atal adennill dyledion yn ystod pandemig COVID-19 yn y flwyddyn flaenorol. 
• Cafwyd y gyfradd gasglu uchaf y flwyddyn hon yng Nghastell-nedd Port Talbot (98.0%) a’r gyfradd gasglu isaf ym Mlaenau Gwent (92.3%).
• Yr union swm a gasglwyd o safbwynt biliau 2021-22, heb gynnwys cynllun gostyngiadau’r dreth gyngor, oedd £1,837 miliwn allan o’r £1,908 miliwn a oedd yn ddyledus.
• Yn ystod 2021-22, casglwyd £43 miliwn o ôl-ddyledion o ran blynyddoedd blaenorol gan awdurdodau bilio, a chafodd gwerth £5 miliwn eu dileu fel dyledion drwg.
• Y cyfanswm a oedd yn ddyledus ar 31 Mawrth 2022 oedd £173 miliwn, gyda £70 miliwn o’r swm hwn yn ôl-ddyledion yn ystod y flwyddyn.