Pobl ifanc heb fod mewn addysg, cyflogaeth neu hyfforddiant (NEET): 2021

Pobl ifanc 16 i 18 oed

• Roedd gostyniad bach graddol yng nghyfran y rhai 16 i 18 oed a oedd yn NEET rhwng 2011 a 2017. Yna, cynyddodd y gyfran hon rhwng 2017 a 2019 cyn gostwng eto yn 2020. Dros y blynyddoedd diweddaraf, mae maint y newid yn amrywio’n ôl pa ffynhonell sy’n cael ei defnyddio.
• Ar sail y datganiad ystadegol cyntaf (SFR), yn ystod 2020 roedd 11.1% o bobl ifanc 16 i 18 oed yn NEET (11,300) o gymharu â 11.7% (11,900) yn ystod 2019.
• Ar sail yr arolwg poblogaeth blynyddol, am y flwyddyn yn gorffen Rhagfyr 2021, amcangyfrifwyd bod 9.9% o bobl ifanc 16 i 18 oed yn NEET, o gymharu â 7.9% yn ystod y flwyddyn flaenorol.

Pobl ifanc 19 i 24 oed

• Ar sail y Datganiad Ystadegol Cyntaf (SFR), yn ystod 2020 roedd 15.2% o bobl ifanc 19 i 24 oed yn NEET (36,400) gostyngiad o gymharu ag 16.1% (38,900) yn 2019.
• Ar ddechrau dirwasgiad 2008 gwelodd cyfran y bobl ifanc 19 i 24 oed a oedd yn NEET gynnydd mawr o 17.4% yn 2008 i tua 22% i 23% o 2009 i 2012, gan ostwng ym mhob blwyddyn ddilynol hyd at 2017. Roedd y gostyngiad hwn yn deillio o gynnydd yng ngweithgarwch y farchnad lafur, gyda chyfranogiad mewn addysg a hyfforddiant yn aros yn gymharol sefydlog.
• Ar sail yr Arolwg Poblogaeth Blynyddol, am y flwyddyn a ddaeth i ben yn Rhagfyr 2021, amcangyfrifwyd bod 14.9% o bobl ifanc 19 i 24 oed yn NEET, o gymharu ag 14.6% yn ystod y flwyddyn flaenorol.

Ffynonellau ystadegol

• Datganiad Ystadegol Cyntaf ‘Cyfranogiad pobl ifanc mewn addysg a'r farchnad lafur’ yn defnyddio ffynonellau data addysg a’r Arolwg Blynyddol o’r Boblogaeth.
• Arolwg Blynyddol o’r Boblogaeth (Y Swyddfa Ystadegau Gwladol).

Dylid nodi mai amcangyfrifon yw pob ffynhonnell. Mae ein canllaw ar ddeall y ffynonellau gwahanol o ystadegau ar bobl ifanc nad ydynt mewn addysg, cyflogaeth na hyfforddiant (NEET) yng Nghymru’n darparu rhagor o wybodaeth.