Rhestr o Fuddiannau Preifat Perthnasol y Gweinidogion

Gofyniad Cod y Gweinidogion

O dan delerau Cod y Gweinidogion, mae’n rhaid i Weinidogion sicrhau nad oes unrhyw wrthdaro’n codi, neu y gellid ystyried yn rhesymol ei fod yn codi, rhwng eu sefyllfa fel Gweinidog a'u buddiannau preifat, yn ariannol neu fel arall. 

Ar gael eu penodi i bob swydd newydd ac ar gyfer pob blwyddyn ariannol ddilynol, rhaid i'r Gweinidogion roi rhestr ysgrifenedig gyflawn i'r Ysgrifennydd Parhaol o'r holl fuddiannau hynny y gellid ystyried eu bod yn arwain at wrthdaro. Yna bydd datganiadau unigol, a nodyn am unrhyw gamau a gymerwyd mewn perthynas â buddiannau unigol, yn cael eu pasio ymlaen at yr Ysgrifennydd Parhaol i ddarparu cyngor ynghylch unrhyw gamau pellach fel y bo'n briodol. Mae rhagor o wybodaeth am gategorïau’r buddiannau sy’n cael eu datgelu ar gael yn yr Atodiad.

Caiff datganiadau a ddarperir gan y Gweinidogion eu trin yn gyfrinachol. Mae hyn yn sicrhau bod modd iddynt ddatgelu eu buddiannau mor llawn â phosibl, hyd yn oed pan na fo materion yn berthnasol o reidrwydd.

Mae'r rhestr sydd wedi'i chyhoeddi yn cynnwys buddiannau gweinidogol perthnasol ar adeg cyhoeddi. Mae hefyd yn cynnwys unrhyw ddatganiadau perthnasol gan Aelodau o’r Senedd. Pan fo Gweinidog wedi gwaredu buddiant perthnasol, neu wedi gwneud hynny cyn cymryd swydd Gweinidog, ni fydd yn cael ei gynnwys ar y Rhestr. Mae'r Rhestr yn nodi buddiannau a ddelir ar hyn o bryd gan Weinidogion, neu gan aelodau agos o'u teuluoedd sy’n uniongyrchol berthnasol i gyfrifioldebau'r Gweinidogion, neu y gellid ystyried yn rhesymol eu bod yn uniongyrchol berthnasol. Mae hefyd yn darparu manylion am elusennau y mae Gweinidogion yn ymddiriedolwyr neu'n noddwyr iddynt. Ar ben hynny, gall Gweinidogion gael cysylltiadau eraill ag elusennau neu sefydliadau nad ydynt yn rai cyhoeddus, er enghraifft, fel Aelodau’r Senedd ar gyfer etholaeth. Gall cysylltiadau o'r fath fod yn rhai hanesyddol, rhai sydd wedi dod i ben, neu efallai'n rhai lle nad yw'r Gweinidog ei hun yn cymryd rhan weithredol ynddynt.

Nid yw'r rhestr a gyhoeddir yn gofnod o holl fuddiannau neu drefniadau ariannol a ddelir gan Weinidog neu aelodau o'i deulu agos. Byddai hynny yn ymyrraeth na ellid ei gyfiawnhau ym materion preifat Gweinidogion ac aelodau agos o'u teuluoedd. Yn hytrach mae'n rhestr o unrhyw fuddiannau o'r fath sydd, neu y gellid yn rhesymol eu hystyried i fod, yn uniongyrchol berthnasol i ddyletswydd gyhoeddus y Gweinidog hwnnw. Mae'r holl fuddiannau sy'n cael eu datgan gan Weinidogion yn cael eu dal gan yr Ysgrifennydd Parhaol.

(Canolbarth a Gorllewin Cymru)

(Ogwr)

(Gorllewin Casnewydd)

(Gorllewin Caerdydd)

(Gŵyr)

(Bro Morgannwg)

(Castell-nedd)

(Torfaen)

(De Clwyd)

(Merthyr Tudful a Rhymni)

(Cwm Cynon)

(Gorllewin Abertawe)

(Pen-y-bont ar Ogwr)

(Alun a Glannau Dyfrdwy)

Ar gael eu penodi, gofynnir i Weinidogion nodi eu buddiannau perthnasol mewn nifer o gategorïau. 

1. Buddiannau ariannol – Mae'r Rhestr yn cynnwys buddiannau uniongyrchol berthnasol a ddelir gan Weinidog. Nid yw felly yn rhestr o'r holl fuddiannau ariannol gan gynnwys pob buddsoddiad neu fenthyciad a ddelir gan Weinidog. Mae'n nodi pan fo buddiannau ariannol yn cael eu cadw mewn ymddiriedolaeth ddall neu drefniant rheoli dall tebyg. Mae ymddiriedolaethau dall a threfniadau rheoli dall yn ddulliau hirdymor ar gyfer diogelu Gweinidogion wrth reoli eu buddiannau. Maent yn sicrhau nad yw Gweinidogion yn ymwneud â phenderfyniadau ynghylch rheoli, caffael na gwaredu eitemau yn y trefniant, ac nad oes ganddynt wybodaeth fyw am gynnwys trefniadau o’r fath.

2. Cyfarwyddiaethau a chyfranddaliadau – Ni restrir cyfranddaliadau yr ystyrir eu bod de minimus o ran eu natur. Er na fyddai Gweinidogion fel arfer yn cadw cyfarwyddiaethau pan fyddant yn eu swyddi, o dan rai amgylchiadau penodol gall fod yn dderbyniol i Weinidog gadw cyfarwyddiaeth, er enghraifft, mewn cysylltiad â rheoli eiddo preswyl neu fenter deuluol, yn amodol ar gymryd camau penodol er mwyn osgoi unrhyw wrthdaro.

3. Partneriaethau neu fuddiannau busnes eraill.

4. Eiddo buddsoddi – Yn unol â’r Gofrestr o Fuddiannau Aelodau o'r Senedd, nid yw eiddo y mae Gweinidogion yn berchnogion arno a/neu yn byw ynddo at eu defnydd eu hunain yn cael ei gynnwys ar y Rhestr.

5. Unrhyw nawdd gan Undeb Llafur neu aelodaeth ohono (nawdd fel y'i datganwyd yn eu datganiad Aelod o'r Senedd).

6. Unrhyw Benodiadau Cyhoeddus a ddelir – caiff y rhan fwyaf o benodiadau cyhoeddus eu hildio pan gaiff rhywun ei benodi i swydd Gweinidog. Pan gynigir, fel eithriad, y dylid cadw penodiad o’r fath, disgwylir y bydd Gweinidogion yn gofyn am gyngor eu Hysgrifennydd Parhaol.

7. Cysylltiadau â sefydliadau gan gynnwys elusennau, sefydliadau nid-er-elw, sefydliadau cymunedol ac ati. Ar ben y cysylltiadau a restrir, mae’n bosibl y bydd gan weinidogion gysylltiadau eraill ag elusennau neu sefydliadau nad ydynt yn sefydliadau cyhoeddus, nad ydynt yn berthnasol i’w buddiannau Gweinidogol, er enghraifft, fel Aelodau etholaethau. Gall cysylltiadau o’r fath fod yn hanesyddol neu wedi dod i ben, neu efallai nad yw’r Gweinidog yn cymryd rhan weithgar ynddynt mwyach.

8. Unrhyw fuddiannau perthnasol eraill gan gynnwys buddiannau perthnasol aelod agos o’r teulu. Gall fod buddiannau gan aelod agos o deulu Gweinidog yr ystyrir eu bod yn arwain at wrthdaro â’i gyfrifoldebau fel Gweinidog, ond mae hefyd yn bwysig cofio hawl Gweinidogion i rywfaint o breifatrwydd ynghylch eu materion. Felly, nid yw buddiannau nad ydynt yn uniongyrchol berthnasol neu nad ydynt, o ystyried y mater, yn arwain at wrthdaro ond a all arwain at sylw gan y cyhoedd, o fewn cwmpas y Rhestr. Pennir yr hyn a olygir wrth deulu agos fesul achos unigol. Ni ellir disgwyl y bydd Gweinidogion yn gwybod manylion materion pob person sy’n perthyn iddynt, ond pan fônt mewn cysylltiad agos a pharhaus â’r person o dan sylw, dylent gymryd camau rhesymol i sicrhau eu bod yn cydymffurfio â’u cyfrifoldebau a nodir yng Nghod y Gweinidogion.

9. At hynny, gofynnir i Weinidogion gadarnhau nad oes unrhyw anghydfodau byw ynghylch eu materion trethi personol.