Defnydd gorsafoedd rheilffordd: Ebrill 2020 i Fawrth 2021

Ar gyfer y ddau gyhoeddiad diwethaf, ni chyhoeddwyd cymaint o fanylder yn y adroddiad hwn o gymharu â’r bwletin ystadegol arferol wrth inni flaenoriaethu adnoddau ar waith dadansoddi yn sgil pandemig y coronafeirws (COVID-19). Ar gyfer eleni, rydym yn cyhoeddi bwletin ystadegol gyda llai o fanylion ac yn croesawu adborth gan ddefnyddwyr ar gynnwys, dosbarthiad ac amlder y adroddiad hwn.

Pwyntiau allweddol

Image

• Effeithiodd pandemig y coronafeirws (COVID-19) yn sylweddol ar y defnydd o orsafoedd yn 2020-21 (1 Ebrill 2020 i 31 Mawrth 2021). Yng Nghymru, gwelwyd gostyngiad o 77.1% yn nifer y teithwyr ar drenau o’i gymharu â’r flwyddyn flaenorol (2019-21).
• Cafwyd gostyngiad o 82.8% yng nghyfanswm y bobl a aeth i mewn ac allan o orsafoedd yng Nghymru yn 2020-21 o’i gymharu â’r flwyddyn flaenorol.
• Dros y flwyddyn ddiwethaf, bu gostyngiad yn nifer y bobl a aeth i mewn ac allan o bob gorsaf ar draws Cymru.
• Yn 2021-20 roedd 223 o orsafoedd rheilffyrdd, un orsaf yn fwy nag yn 2019-20.
• Gorsaf Caerdydd Canolog yw gorsaf brysuraf Cymru o hyd gyda 22.8% o’r holl bobl a aeth i mewn ac allan o bob gorsaf ar draws Cymru.
• Mae'r defnydd o orsafoedd rheilffyrdd yng Nghymru yn cyfrif am tua 1.8% o gyfanswm y DU. O'r 20 gorsaf brysuraf yng Nghymru, mae mwy na hanner yn rhan o rwydwaith Rheilffyrdd y Cymoedd (heb gynnwys Caerdydd Canolog a Heol y Frenhines Caerdydd).