Cymorth i Brynu - Cymru: canllawiau ar eiddo sydd wedi’u heffeithio gan gladin allanol

Rydych yn derbyn y nodiadau canllaw hyn gan fod ein cwsmer cydfuddiannol wedi eich enwebu i gwblhau prisiad marchnad o eiddo y mae ein Morgais Ecwiti wedi’i warantu yn ei erbyn.

Mae'n ofynnol i chi ddarparu gwerth marchnad cyfredol (a sefydlwyd yn unol â safonau prisio RICS cyfredol) yr eiddo ac i gymryd i ystyriaeth bodolaeth unrhyw gladin allanol.

O dan delerau'r Morgais Ecwiti mae ein cwsmer wedi gwneud apwyntiad er mwyn sefydlu gwerth marchnad yr eiddo ar hyn o bryd.

Cymwysterau

Rhaid i chi fod yn syrfëwr cymwysedig RICs gydag o leiaf 10 mlynedd o brofiad, yn arbenigo mewn prisio eiddo preswyl o fewn cyffiniau'r eiddo sydd i'w brisio. 

Dogfennau Angenrheidiol

Cyn eich prisiad, rhaid i chi gael y dogfennau canlynol gan y cwsmer:

• Copi o Ffurflen EWS1 wedi'i chwblhau (os yw ar gael);
• Os yw'r eiddo o fath fflat, copi o brydles y cwsmer;
• Unrhyw amcangyfrifon y mae'r cwsmer wedi'u derbyn ynghylch costau unrhyw waith adfer;
• Tystiolaeth o swm y gronfa ad-dalu tâl gwasanaeth;
• Unrhyw ddogfennau mewn perthynas â derbyn hawliad yswiriant adeiladau neu warant adeiladu; ac
• Unrhyw ddogfennau mewn perthynas ag unrhyw drydydd parti (fel y datblygwr gwreiddiol) sy’n cytuno i dalu am gostau’r gwaith adfer.

Sail y Prisiad

Mae'n ofynnol i chi ddarparu gwerth marchnad cyfredol (a sefydlwyd yn unol â safonau prisio cyfredol RICS) o’r eiddo ac i gymryd i ystyriaeth bodolaeth unrhyw gladin allanol.

Wrth gynhyrchu eich prisiad, rhaid i chi ystyried bodolaeth unrhyw gladin allanol a'r Dogfennau Gofynnol (fel y disgrifir uchod) a'u heffaith ar werth marchnad yr eiddo.

Rhaid i chi hefyd ystyried:

• costau amcangyfrifedig unrhyw waith adfer, ond dim ond mewn achosion lle mae'r costau adfer wedi'u pennu gan Aseswr Risg Tân (ARA);
• cyfrifoldeb am y costau hyn, lle mae hyn eisoes wedi'i ddiffinio;
• a yw unrhyw hawliad am y gwaith adfer wedi'i dderbyn;
• a yw'r cyllid gofynnol eisoes ar gael yn y gronfa ad-dalu tâl gwasanaeth.

Yr Adroddiad Prisio

Rhaid i chi archwilio tu mewn yr eiddo a darparu adroddiad prisio llawn. Rhaid i hyn gynnwys:

• Gwerth marchnad (nid at ddibenion morgais)
• Enw(au) cwsmer(iaid)
• Cyfeiriad llawn yr eiddo
• Dyddiad archwilio
• Gwerthiant 3 eiddo tebyg o fewn yr ardal cod post o fewn y 6 mis diwethaf, ar sail tebyg am debyg o ran: math o eiddo, maint ac oedran. Os nad yw hyn yn bosibl, darparwch y gorau sydd ar gael gennych 
• o fewn yr adroddiad

Rhaid i’r adroddiad fod:

• Wedi ei llofnodi (mae e-lofnod yn dderbyniol) gan gynnwys Rhif RICS
• Ar bapur pennawd ac wedi'i ddarparu mewn dogfen na ellir ei golygu (PDF)

Ni ddylai fod gwrthdaro buddiannau rhwng unrhyw barti ac mae angen cadarnhau hyn yn yr adroddiad.