Rydym yn gweithio'n agos gyda chyflenwyr fframwaith halen craig mewn perthynas â'r heriau presennol a achosir gan brinder gyrwyr cludo nwyddau.
Mae prinder gyrwyr yn cael effaith ar ystod eang o sectorau busnes, ac rydym yn gweithio i nodi effeithiau posibl ar ddosbarthu halen craig i gwsmeriaid y gaeaf hwn.
Mae cyflenwyr ein fframwaith yn rhagweld y byddant yn gallu bodloni gofynion cwsmeriaid hysbys eleni, ond mae amseroedd dosbarthu wedi codi.
Dylai cwsmeriaid sy'n dymuno archebu drwy ein fframwaith gysylltu â chyflenwyr cyn gynted â phosibl. Bydd hyn yn helpu i sicrhau bod eu gofynion yn cael eu cynnwys yng ngwaith cynllunio’r cyflenwyr, ac yn helpu i sicrhau bod archebion yn cael eu dosbarthu erbyn yr amser gofynnol.
Am ragor o wybodaeth, e-bostiwch: CaffaelMasnachol.Adeiladau@llyw.cymru