Arolwg Tracio Defnyddwyr Twristiaeth COVID-19 (proffil Cymru): 9 Awst i 10 Medi 2021

Bwriadau tripiau sydd ar ddod

• Mae 31% o breswylwyr y DU yn bwriadu mynd ar drip dros nos rhwng mis Medi a mis Rhagfyr, ychydig yn is ymhlith preswylwyr o Gymru (ar 29%).
• Mae teithio dramor yn annhebygol o fygwth tripiau yn y DU - pe bai cyfyngiadau teithio dramor yn cael eu codi, mae'r mwyafrif llethol yn nodi y byddent yn mynd ar eu trip dros nos y DU fel y cynlluniwyd.
• Mae pob cam bywyd yn debygol o archebu eu trip dros nos yn agosach at y dyddiad nag arfer, er y bydd tua hanner yn archebu yn unol ag ymddygiad nodweddiadol.

Bwriadau hamdden cyffredinol a thripiau dydd

• Mae 7 o bob 10 o breswylwyr y DU a Chymru yn bwriadu mynd ar drip dydd erbyn yr hydref neu'n hwyrach. Mae bwriadau ar eu huchaf ar gyfer ardaloedd cyrchfan llai poblog fel ‘tref arfordirol/glan môr traddodiadol’ a ‘chefn gwlad neu bentref’, ac yn is ar gyfer dinasoedd mawr.
• Yn unol â lefelau cyfforddusrwydd cynyddol, mae ymgysylltiad y cyhoedd yn y DU mewn gweithgareddau hamdden wedi cynyddu gyda phob mis yn olynol ers i gyfyngiadau gael eu codi yn gynharach eleni – mis Awst gyda’r adroddiad uchaf.
• Mae bwriadau hamdden yn parhau i fod yn gryfach ar gyfer atyniadau a gweithgareddau awyr agored.

Tripiau a gymerwyd ers mis Ebrill

• Cymerodd 40% o breswylwyr o'r DU a 45% o breswylwyr o Gymru wyliau domestig dros nos neu wyliau byr rhwng mis Ebrill a mis Awst.
• Yn unol â'r bwriadau, cynhyrchodd De-orllewin Lloegr y gyfran uchaf o'r holl dripiau ers mis Ebrill, gyda Chymru yn y 6ed safle ar y cyd.
• ‘Cefn Gwlad neu bentref’ a ‘thref arfordirol/glan môr traddodiadol’ oedd y ddau brif fath o gyrchfan ar gyfer trip dros nos i Gymru rhwng mis Ebrill a mis Awst, y ddau ohonynt yn mynegeio’n sylweddol uwch na holl dripiau i’r DU.