Workplace safety

Mae gan Lywodraeth Cymru wybodaeth am yr hyn y dylech ei ddisgwyl gan eich cyflogwr:

• Cyngor iechyd y cyhoedd i fusnesau, cyflogwyr a threfnwyr digwyddiadau: coronafeirws.

Mae deddfwriaeth iechyd a diogelwch yng Nghymru yn cael ei gweithredu gan yr Awdurdod Gweithredol Iechyd a Diogelwch neu un o’r 22 Awdurdod Lleol, yn ddibynnol ar y prif weithgaredd a gynhelir mewn unrhyw un neu ragor o fangreoedd penodol. I ddod o hyd i’r un sydd angen i chi gysylltu ag ef, gweler y rhestr o awdurdodau gorfodi.

Os oes gennych bryderon am iechyd a diogelwch yn y gwaith neu os ydych yn gweld rhywbeth mewn gweithle sydd, yn eich tyb chi, yn torri cyfraith iechyd a diogelwch ac yn debygol o achosi niwed difrifol, gallwch roi gwybod amdano. Cyn i chi gysylltu, efallai y bydd modd unioni rhai problemau drwy siarad â'r person sy'n gyfrifol, eich cyflogwr neu eich undeb neu gynrychiolydd gweithwyr.

Os mai’r Awdurdod Gweithredol Iechyd a Diogelwch sydd ei angen arnoch chi, y ffordd gyflymaf i gysylltu â nhw yw defnyddio’r ffurflen ar-lein. Os na allwch ddefnyddio’r ffurflen, gallwch ffonio 0300 003 1647.

Darllenwch ragor o gyngor gan yr Awdurdod Gweithredol Iechyd a Diogelwch ar iechyd a diogelwch yn y gwaith a gwybodaeth ar gynnal a diweddaru asesiadau risg a’r canllawiau ar y gofyniad bod gweithwyr yn rhan o’r broses.

Mae eich undeb llafur yno i helpu os ydych yn poeni am iechyd a diogelwch yn y gwaith. Siaradwch â nhw os oes gennych unrhyw bryderon, a byddant yn eich cynghori ar sut y gellir mynd i'r afael â nhw a beth yw eich hawliau.

Os nad ydych yn aelod o undeb llafur ar hyn o bryd ac nad ydych yn siŵr pa undeb y dylech ymuno ag ef, bydd adnodd canfod undeb y Gyngres Undebau Llafur (TUC) yn eich helpu i ddewis yr un cywir. Y ffordd orau o sicrhau diogelwch gweithwyr yw cael cynrychiolydd iechyd a diogelwch o’r  undebau ym mhob gweithle.

Mae gan weithleoedd sydd â chynrychiolwyr iechyd a diogelwch o’r undebau a phwyllgorau diogelwch ar y cyd hanner cyfradd anafiadau difrifol y gweithleoedd hynny sydd heb gynrychiolydd o’r fath. Mae gan gynrychiolwyr Iechyd a Diogelwch yr undebau hawliau cyfreithiol hefyd i gyflawni rhai swyddogaethau yn y gweithle, fel codi pryder am ddiogelwch ar ran cydweithwyr gyda'u cyflogwr. Dysgwch ragor am gynrychiolwyr Iechyd a Diogelwch yr undebau a sut i ddod yn un ar wefan y TUC.

Darllenwch ragor o gyngor gan TUC Cymru ar Iechyd a Diogelwch yn y gweithle.

Mae gan Llywodraeth Cymru wybodaeth ar sut i gadw’ch gweithlu’n ddiogel:

• Pecyn Cymorth Coronafeirws Busnes Cymru.
• Gwybodaeth sy’n benodol i sector.

Mae’r Awdurdod Gweithredol Iechyd a Diogelwch ac awdurdodau lleol yn gyfrifol am orfodi deddfwriaeth iechyd a diogelwch yng Nghymru. Gyda’i gilydd, maent yn sicrhau bod deiliaid y ddyletswydd yn rheoli iechyd a diogelwch ei gweithlu a’r rheini y mae eu gwaith yn effeithio arnynt.

Mae’r Awdurdod Gweithredol Iechyd a Diogelwch yn gyfrifol am orfodi gweithdrefnau iechyd a diogelwch mewn rhai mathau o weithleoedd, ac mae awdurdodau lleol yn gyfrifol am orfodi’r gweithdrefnau hynny mewn gweithleoedd eraill. I ddod o hyd i’r un sydd angen i chi gysylltu ag ef, gweler y rhestr o awdurdodau gorfodi.

Mae’r Awdurdod Gweithredol Iechyd a Diogelwch ac awdurdodau lleol yn rhoi cymorth rhagweithiol i fusnesau wrth iddynt reoli risgiau iechyd a diogelwch, gan gynnwys darparu cyngor canllawiau a chymorth. Gallwch ddod o hyd i’r hyn y dylid ei wneud i gadw’ch gweithle’n iach ac yn ddiogel yn ôl pwnc neu ddiwydiant.

Darllenwch ragor o gyngor gan yr Awdurdod Gweithredol Iechyd a Diogelwch ar iechyd a diogelwch yn y gwaith a  gwybodaeth ar gynnal a diweddaru asesiadau risg a’r canllawiau ar y gofyniad bod gweithwyr yn rhan o’r broses.

Fel llais busnes yng Nghymru, mae Cydffederasiwn Diwydiant Prydain yn darparu ystod eang o wybodaeth, cyngor ac adnoddau penodol i helpu busnesau o bob maint a sector i reoli a deall eu cyfrifoldebau yn well wrth ddiogelu iechyd a diogelwch staff a chwsmeriaid

Darllennwch ragor o gyngor gan Gydffederasiwn Diwydiant Prydain ar faterion iechyd a diogelwch.

Mae Chambers Wales yn darparu cymorth i fusnesau sydd ei angen, yn rhoi gwybod iddynt am atebion ac yn eu cysylltu â’r atebion hynny i’w helpu drwy’r heriau tymor byr a hirdymor sydd ynghlwm â gweithredu mewn hinsawdd economaidd heriol.  

Mae’r tîm aelodaeth pwrpasol yn cynnig atebion sy’n cael eu teilwra i’ch busnes, a gallwch gael gafael ar adnoddau gan Chambers Wales drwy fynd ar y wefan.

Gall aelodau’r Ffederasiwn Busnesau Bach gael mynediad at gymorth a chyngor cyfreithiol rhad ac am ddim sy’n cynnwys cymorth ar sut i sicrhau cydymffurfedd o ran iechyd a diogelwch.

Gall perchnogion busnes gael mynediad at gyfres o adnoddau a gwybodaeth am y coronafeirws a sut y mae’n effeithio ar eich busnes yn y tudalennau ar COVID-19.

Mae Iechyd Cyhoeddus Cymru wedi datblygu ystod o adnoddau i gefnogi cyflogwyr i gyflwyno gwaith teg ar gyfer iechyd, llesiant a thegwch, gan gynnwys gwybodaeth am Cymru Iach ar Waith sy’n cynnig cymorth gan gynghorydd iechyd, digwyddiadau hyfforddiant, gweithdai, gwybodaeth a chanllawiau.