Polisi a strategaeth, Dogfennu

Strategaeth ddigidol i Gymru: cynllun cyflawni

Sut rydym yn bwriadu trosglwyddo'r strategaeth.

Cyhoeddwyd gyntaf: 23 Mawrth 2021

Diweddarwyd ddiwethaf: 15 Tachwedd 2022

Lawrlwytho'r ddogfen: Maint ffeil 96 KB, Math o ffeil PDF

Efallai na fydd y ffeil hon yn gyfan gwbl hygyrch.

Gwasanaethau digidol

Nawr	Nesaf	Dyfodol
Adolygu sut mae gwasanaethau cyhoeddus allweddol yn cael eu darparu'n ddigidol a defnyddio'r wybodaeth hon i sbarduno trawsnewid strategol pellach mewn meysydd allweddol. Datblygu a hyrwyddo canllawiau i gefnogi'r gwaith o fabwysiadu a gweithredu'r safonau gwasanaeth digidol. Adolygu canfyddiadau o gam alpha Campws Digidol, academi sgiliau digidol y Ganolfan Gwasanaethau Cyhoeddus Digidol, a datblygu cyfres o hyfforddiant sgiliau digidol sy'n diwallu anghenion y rhai sy'n darparu gwasanaethau cyhoeddus ledled Cymru. Ehangu ein harweinyddiaeth ddigidol yng Nghymru drwy benodi Prif Swyddog Digidol ar gyfer Iechyd a Gofal a sicrhau bod y Prif Swyddogion Digidol a'r Ganolfan Gwasanaethau Cyhoeddus Digidol yn gweithio gyda'i gilydd i gefnogi gwelliant mewn gwasanaethau cyhoeddus digidol. Creu cymuned hyfforddi a rhannu gwybodaeth i gefnogi'r gwaith o greu a darparu gwasanaethau digidol da gydag offer gweithredu a chanllawiau i ymarferwyr. Ymgymryd â cham darganfod er mwyn edrych ar sut y gall defnydd priodol o dechnoleg a’r byd digidol gyfrannu at lwyddo i gyrraedd y targed allyriadau carbon sero net. Parhau i gefnogi sefydliadau ar draws sectorau yng Nghymru i gryfhau eu gwydnwch seiber drwy hyfforddiant a thrwy weithio mewn partneriaeth. Cefnogi gwasanaethau cyhoeddus i ymgymryd ag ymchwil defnyddwyr gyda gwahanol grwpiau poblogaeth wrth ddatblygu gwasanaethau. Gweithio gyda Llywodraeth y DU i sicrhau bod polisi a rheoleiddio digidol a data ar gyfer y DU yn cael eu darparu yng Nghymru yn briodol ac yn diwallu ein hanghenion.	Cyflwyno cyfres o brosiectau arddangos fel enghreifftiau o adeiladu gwasanaethau da yn seiliedig ar egwyddorion dylunio sy'n canolbwyntio ar y defnyddiwr. Creu a hyrwyddo cyfres o safonau technoleg i gefnogi’r gwaith o gyflwyno gwasanaethau cyhoeddus gwell. Datblygu dealltwriaeth o ofynion a chynllun ar gyfer dulliau hunaniaeth ddigidol a rennir ar draws gwasanaethau cyhoeddus. Datblygu meysydd ar gyfer cydweithio ar draws arweinyddiaeth y Prif Swyddog Digidol ac ymwneud ag arweinyddion digidol yn ehangach ar draws cyrff cyhoeddus. Cyhoeddi'r Strategaeth ar gyfer Iechyd a Gofal Cymdeithasol Digidol yng Nghymru. Creu a hyrwyddo canllawiau a deunyddiau cymorth eraill i helpu gwasanaethau cyhoeddus Cymru i wneud penderfyniadau a gweithredu arferion gorau ar ddefnyddio technoleg sy'n lleihau’r effaith amgylcheddol o ddarparu gwasanaethau. Cyhoeddi Cynllun Gweithredu Seiber i Gymru i ddwyn ynghyd ddatganiad uchelgais a gweithgareddau cydlynol mewn perthynas â seiber yng Nghymru. Bwrw ymlaen â gwaith i sicrhau bod sefydliadau'r sector cyhoeddus yn adolygu eu seilwaith etifeddol ac yn eu moderneiddio yn briodol.	Cytuno a nodi cyfleoedd ar gyfer pensaernïaeth a rennir ar gyfer systemau a gwasanaethau sector cyhoeddus. Cyflawni'r Strategaeth ar gyfer Iechyd a Gofal Cymdeithasol yng Nghymru.

Cynhwysiant digidol

Nawr	Nesaf	Dyfodol
Archwilio safon byw'n ddigidol gofynnol i Gymru sy'n cynnwys llinell sylfaen gydnabyddedig ar gyfer yr hyn y mae'n ei olygu i gael eich cynnwys yn ddigidol e.e. cyflymder cysylltedd, dyfeisiau a sgiliau digidol sylfaenol. Sicrhau bod ymyriadau priodol ar waith i gefnogi pobl i fagu'r hyder digidol i ddefnyddio gwasanaethau digidol a gwybod ble i fynd am gymorth. Sicrhau bod staff rheng flaen a gwirfoddolwyr yn gallu cael hyfforddiant i fod yn ddigidol hyderus.	Comisiynu ymchwil i ddeall y rhwystrau a wynebir gan y rhai nad ydynt yn defnyddio gwasanaethau digidol. Adeiladu ar y gwaith o fapio gweithgarwch cynhwysiant digidol sy’n digwydd ledled Cymru.	Defnyddio'r mecanweithiau sydd ar gael i ddylanwadu ar gwmnïau telegyfathrebiadau i ddarparu tariffau sydd wedi'u hanelu at y rhai sydd wedi'u hallgáu'n ddigidol. Gweithio gyda phob sector i sicrhau bod opsiynau amgen ar gyfer defnyddio gwasanaethau digidol ar gael i bawb ac wedi'u cynllunio i'r un safon â'r rhai a ddisgwylir gan wasanaethau digidol.

Sgiliau digidol

Nawr	Nesaf	Dyfodol
Parhau i ddarparu cymorth drwy hyfforddiant sgiliau ac ymwybyddiaeth sy'n gwella gwasanaethau digidol wrth gyflwyno dysgu ac yn nodi cyfleoedd i wneud mwy. Parhau i gynnig darpariaeth TG a phrentisiaethau digidol helaeth yng Nghymru ar lefel is-radd a gradd. Adolygu gwaith presennol y Bartneriaeth Sgiliau Rhanbarthol, megis adroddiadau Covid-19, ar gyfer gwybodaeth am ofynion sgiliau digidol yng Nghymru. Parhau i gyflwyno’r rhaglen Cyfrifon Dysgu Personol sy’n darparu cyrsiau digidol i unigolion cyflogedig sydd am ennill mwy o sgiliau neu rai newydd er mwyn gwella eu cyfleoedd o ran gyrfa ac yn gysylltiedig â gwaith. Parhau i gefnogi ysgolion i ddarparu cymhwysedd digidol fel sgil drawsgwricwlaidd sydd wrth galon y cwricwlwm i Gymru ac i baratoi dysgwyr i fod yn ddinasyddion digidol effeithiol a da, gan wella eu cyfleoedd o ran gyrfa ac yn gysylltiedig â gwaith. Parhau i gefnogi ysgolion gyda'r Daith Dysgu Proffesiynol Digidol a helpu arweinwyr, athrawon a dysgwyr i ddatblygu'r sgiliau, yr wybodaeth a'r ymddygiadau, gan gynnwys eu cadw'n ddiogel ar-lein.	Ystyried y materion a'r blaenoriaethau allweddol ar gyfer dysgu digidol a dysgu cyfunol yn y sectorau Addysg Bellach a Dysgu Oedolion yn y Gymuned a chyfleoedd i adeiladu ar y cynnydd a wnaed yn ystod pandemig Covid-19. Datblygu cefnogaeth ar gyfer cynlluniau bŵt-camp digidol drwy gyllid arloesi. Cynnal peilot ar gyfer prosiect Prentisiaeth a Rennir digidol newydd a gwerthuso deilliannau. Gweithio gyda Phartneriaethau Sgiliau Rhanbarthol i lunio eu gwaith ar sgiliau digidol wrth iddynt ddatblygu atodiad sgiliau digidol i'w cynlluniau cyflogaeth a sgiliau tair blynedd sydd ar y gweill, gan sicrhau eu bod yn cyd-fynd â gofynion polisi. Ehangu’r ystod o gymwysterau digidol newydd ar gyfer darparu drwy Gyfrifon Dysgu Personol. Adolygu a datblygu’r fframwaith cymhwysedd digidol i sicrhau y gall dysgwyr ledled Cymru ffynnu mewn byd sy’n newid drwy’r amser. Adolygu ac esblygu effeithiolrwydd y Daith Dysgu Proffesiynol Digidol i sicrhau bod gan arweinwyr, athrawon a dysgwyr y sgiliau, yr wybodaeth a'r agweddau a fydd yn eu galluogi i ddefnyddio digidol a thechnoleg yn hyderus ac yn greadigol.	Adolygu ac ystyried cynnwys prentisiaethau i sicrhau eu bod yn parhau i fod yn berthnasol i anghenion cyflogwyr. Bydd hyn yn cynnwys ystyried ehangu'r cynnwys i ddiwallu anghenion sefydliadau'r sector cyhoeddus. Parhau i weithio gyda Phartneriaethau Sgiliau Rhanbarthol i gryfhau ymhellach eu dull o gasglu gofynion sgiliau digidol a chynyddu buddsoddiad cyflogwyr mewn sgiliau digidol.

Economi ddigidol

Nawr	Nesaf	Dyfodol
Cefnogi arloesedd digidol. Trwy weithio gyda busnesau, cyrff diwydiant, sefydliadau ymchwil ac eraill i ganolbwyntio ar glystyrau diwydiannol penodol. Darparu ffrydiau gwaith ar gyfer clystyrau blaenoriaeth cychwynnol y cytunwyd arnynt. Cryfhau Cymru fel allforiwr digidol drwy greu ecosystem ffyniannus o arbenigedd masnachol ac academaidd sy'n sbarduno arloesedd digidol mewn technolegau sy'n datblygu. Cefnogi datblygiad Cyflymydd Cenedl Ddata Cymru i sefydlu gweithgareddau cydweithredol. Paratoi Canolfan Arloesi Seiber Cymru a darparu manteision i Gymru. Cefnogi a hyrwyddo'r gwaith o ddarparu cymorth seiberddiogelwch i fusnesau yng Nghymru i gryfhau eu gwydnwch pan fyddant yn wynebu bygythiadau seiber. Chwilio am gyfleoedd ar gyfer mannau gweithio a rennir ar draws y sector cyhoeddus a'r sector preifat, er mwyn annog cydweithredu a lleihau teithio. Darparu map ffordd i wella arferion a phrosesau caffael, gan sicrhau gwell canlyniadau i bawb. Cyflymu aeddfedrwydd, cynhyrchiant a sgiliau digidol busnesau.	Comisiynu ymchwil i helpu i flaenoriaethu clystyrau i gael sylw yn y dyfodol. Cychwyn ffrydiau gwaith a chamau gweithredu ar gyfer clystyrau blaenoriaeth y cytunwyd arnynt ymhellach. Manteisio ar allbynnau Cyflymydd Cenedl Ddata Cymru er budd Cymru. Archwilio cyfleoedd i dyfu ecosystem seiber. Adeiladu ar y berthynas â'r Ganolfan Seiberddiogelwch Genedlaethol ar gyfer cyngor seiber i fusnesau. Gweithredu gwelliannau gan ddefnyddio'r ddeddfwriaeth gaffael bresennol (Rheoliadau Contractau Cyhoeddus 2015).	Cyflawni camau gweithredu o Gynlluniau Gweithredu Clwstwr cyhoeddedig. Datblygu cynigion mewnfuddsoddi ecosystemau digidol. Sbarduno gwelliannau pellach, gan gynnwys mwy o dryloywder, defnyddio'r Bil Diwygio Caffael newydd a'r Bil Partneriaeth Gymdeithasol a Chaffael.

Cysylltedd digidol

Nawr	Nesaf	Dyfodol
Cefnogi defnydd a arweinir gan y gymuned drwy gynlluniau talebau, fel Allwedd Band Eang Cymru, cyllid grant fel y Gronfa Band Eang Lleol. Mae hyn yn cynnwys buddsoddiad o £4.2 miliwn yn y Ganolfan Prosesu Signal Digidol ym Mhrifysgol Bangor i ariannu ymchwil a chysylltu safleoedd yn Ynys Môn. Ystyried canfyddiadau’r tasglu ar fuddsoddiad mewn cysylltedd digidol a'i gyflwyno. Parhau i ddatblygu a darparu cysylltedd rhwng y sector cyhoeddus yng Nghymru drwy ddatblygu Prosiect Cydgasglu Band Eang y Sector Cyhoeddus ar y cyd â gofynion y sector cyhoeddus ar gyfer mwy o gysylltedd. Sefydlu protocolau a phrosesau gyda Llywodraeth y DU i gefnogi cynlluniau'r DU fel y Rhwydwaith Rhannu Gwledig a Rhaglen Band Eang Gigabit.	Ail-fuddsoddi cyllid a ddychwelwyd drwy ein cynllun cyflym iawn i wella cysylltedd digidol drwy ymyriadau seilwaith wedi'u targedu.	Adolygu'r modelau perchnogaeth a masnachol ar gyfer asedau dwythell a ffibr y sector cyhoeddus.

Data a chydweithio

Nawr	Nesaf
Cynnal rhaglen waith a newid diwylliant er mwyn gwella dulliau rhannu data ar draws y sector cyhoeddus. Manteisio ar ffynonellau data newydd a phresennol i lywio dadansoddiadau, gwneud penderfyniadau ac ymchwil drwy gyflawni cam nesaf Ymchwil Data Gweinyddol Cymru a manteisio i'r eithaf ar gyfleoedd i gydweithio â'r byd academaidd ac eraill ar arloesedd a yrrir gan ddata. Gweithio gyda'r Ganolfan Moeseg Data ac Arloesi i ymgorffori egwyddorion moesegol ar draws yr holl gemau gweithredu yn y cynllun cyflawni hwn. Datblygu fersiwn nesaf porth Stats Cymru, gan roi defnyddwyr wrth wraidd ei ddyluniad. Parhau i ddatblygu Map Data Cymru, y platfform data a rennir sy'n ffynhonnell ar gyfer data geo-ofodol gwasanaethau cyhoeddus yng Nghymru, o gynllun beta i gynllun byw.	Datblygu "addewid data" ar gyfer iechyd a gofal, sy'n rhoi sicrwydd i ddinasyddion ynghylch sut mae eu data iechyd a gofal yn cael eu cadw a'u defnyddio. Gweithio gyda'r Rhaglen Ddata Genedlaethol i ymgynghori ar set ehangach o egwyddorion ar gyfer defnyddio data yn y sectorau iechyd a gofal cymdeithasol. Cytuno ar ddull o bennu ac ymgorffori safonau data ar draws y sector cyhoeddus yng Nghymru. Datblygu amrywiaeth o gymunedau data ar gyfer gwasanaethau cyhoeddus yng Nghymru i gydweithio, rhannu arbenigedd a chefnogi ei gilydd, a fydd yn gwella aeddfedrwydd ac arbenigedd data. Datblygu canllawiau ar ba ddata gwasanaethau cyhoeddus ddylai fod ar gael mewn fformat agored.